ஐதராபாத்: படப்பிடிப்பு நடைபெறும் இடத்துக்கு ஹெலிகாப்டரில் வந்து இறங்கினார் கமல்ஹாசன். கமல்ஹாசன் நடிக்கும் இந்தியன் 2 படத்தின் ஷூட்டிங் 80 சதவீதம் முடிந்துள்ளது. இதில் காஜல் அகர்வால், ரகுல்பிரீத் சிங், பிரியா பவானி சங்கர், சித்தார்த், பாபி சிம்ஹா உள்பட பலர் நடிக்கிறார்கள். பைனான்ஸ் பிரச்னையால் நிறுத்தி வைக்கப்பட்ட இதன் படப்பிடிப்பு மீண்டும் கடந்த ஆண்டு செப்டம்பரில் தொடங்கியது. இந்நிலையில் கடந்த ஒரு மாதமாக இந்த படத்தை சென்னையில் படமாக்கி வந்தார் இயக்குனர் ஷங்கர்.