காமெடி மற்றும் குணச்சித்திர வேடங்களில் நடித்து வரும் யோகி பாபு, இதற்கு முன்பு சில படங்களில் ஹீரோவாகவும் நடித்திருந்தார். என்றாலும், காமெடி வேடத்துக்கு அதிக முக்கியத்துவம் கொடுத்து நடித்து வருகிறார். தற்போது அவர் ஹீரோவாக நடித்துள்ள படம், ‘பொம்மை நாயகி’.
இயக்குனர் பா.ரஞ்சித்தின் நீலம் புரொடக்ஷன்ஸ் மற்றும் யாழி பிலிம்ஸ் தயாரித்துள்ள இப்படம், வரும் பிப்ரவரி 3ம் தேதி திரைக்கு வருகிறது. எளிய குடும்பத்தைச் சேர்ந்த தந்தைக்கும், மகளுக்கும் இந்த சமூகத்தால் ஏற்படும் பல்வேறு பிரச்னைகளையும், அதை எதிர்கொள்ளும் அந்த தந்தையின் உணர்வுப்பூர்வமான போராட்டத்தையும் சொல்லுகின்ற கதையுடன் உருவாகியுள்ள இதை ஷான் இயக்கியுள்ளார்.