சென்னை: ‘1947 ஆகஸ்ட் 16’ படத்தை ஏ.ஆர்.முருகதாஸ் புரொடக்ஷன் சார்பில் இயக்குனர் ஏ.ஆர்.முருகதாஸ், ஓம் பிரகாஷ் பட், நர்சிராம் சவுத்ரி தயாரித்துள்ளனர். கவுதம் கார்த்திக், புதுமுகம் ரேவதி, புகழ் நடித்துள்ளனர். எஸ்.கே.செல்வகுமார் ஒளிப்பதிவு செய்ய, ஷான் ரோல்டன் இசை அமைத்துள்ளார். ஏ.ஆர்.முருகதாஸ் உதவியாளர் என்.எஸ்.பொன்குமார் இயக்கியுள்ளார். வரும் ஏப்ரல் 7ம் தேதி திரைக்கு வரும் இப்படம் குறித்து கவுதம் கார்த்திக் கூறுகையில், ‘செங்காடு என்ற கிராமத்தில் 1947ல் சுதந்திரம் கிடைப்பதற்கு முந்தைய ஆகஸ்ட் 14, சுதந்திரம் கிடைத்த பிறகு ஆகஸ்ட் 15, மறுநாள் ஆகஸ்ட் 16 ஆகிய நாட்களில் நடக்கும் கதையுடன் படம் உருவாகியுள்ளது’ என்றார்.