சென்னை, மார்ச் 30: நடிகை திரிஷா தனது இன்ஸ்டாகிராம் பக்கத்தில் ‘லவ் எப்போதுமே வெற்றி பெறும்’ என்று பதிவு செய்துள்ளார். இதனை எடுத்துக்கொண்டு, லவ் என்ற வார்த்தைக்கு அன்பு என்ற பொருளா? அல்லது காதல் என்று பொருளா? என நெட்டிசன்கள் கமெண்ட்ஸ் பகுதியில் கேள்வி எழுப்பி வருவது பரபரப்பை ஏற்படுத்தியுள்ளது.

திரிஷா 25 வருடங்களாக தமிழ் திரையுலகில் நாயகியாக நடித்து வருகிறார். தற்போது கூட, அவர் ‘தக்லைப்’, ‘குட் பேட் அக்லி’, ‘விஸ்வாம்பரா’ ’சூர்யா 45’, ’ராம்’ என ஐந்து படங்களில் நாயகியாக பிசியாக நடித்து வருகிறார் என்பது குறிப்பிடத்தக்கது.

இந்த நிலையில், இன்ஸ்டாகிராமில் ஆக்டிவாக இருக்கும் திரிஷாவுக்கு ஏழு மில்லியனுக்கும் அதிகமான ஃபாலோயர்கள் உள்ளனர். அவ்வப்போது, அவர் தனது பாலோயர்களை மகிழ்விக்க ஸ்டேட்டஸ் பதிவுகளை வெளியிடுவார். அதுபோல்தான் இந்த பதிவையும் போட்டிருக்கிறார் என சிலர் சொல்ல, அதை ஏற்க நெட்டிசன்கள் மறுத்து கேள்வி எழுப்பி வருகிறார்கள். ஆனால் திரிஷா இதற்கு எந்த பதிலும் அளிக்கவில்லை.