ஐதராபாத்: தமிழில் ரஜினிகாந்தின் நடிப்பில் வெளிவந்த ‘படையப்பா’ படத்தில் ரஜினிக்கு வில்லியாக நடித்து அனைவரையும் அசரவைத்தவர் ரம்யா கிருஷ்ணன். இவர் ராஜாமாதா கதாபாத்திரத்தில் நடித்து வெளியான ‘பாகுபலி’ திரைப்படமும் ரசிகர்கள் மத்தியில் நல்ல வரவேற்பை ரம்யா கிருஷ்ணனுக்கு பெற்று கொடுத்தது. குறிப்பாக இந்த படத்தில் இடம் பெற்ற ‘இதுவே என் கட்டளை, என் கட்டளையே சாசனம்’ என அவர் பேசிய வசனம் மக்கள் மத்தியில் நல்ல வரவேற்பை பெற்றது. ரம்யா தெலுங்கு சினிமா இயக்குனரான வம்சி என்பவரை 2003ம் ஆண்டு திருமணம் செய்துகொண்டார்.

இவர்களுக்கு ரித்விக் வம்சி எனும் ஒரு மகனும் இருக்கிறார். தற்போது ரம்யா கிருஷ்ணன் குறித்து ஒரு தகவல் வெளியானது. அதாவது கேரளாவில் ரம்யாவுக்கு 5 அழகு நிலையங்கள் மற்றும் ஐதராபாத்தில் மூன்று நகைக்கடைகள் உள்ளன. இதன் மூலம் இவருக்கு மாதம் ரூ 5 கோடி வரை வருமானம் வருவதாக கூறப்படுகிறது. இதற்கு முறையாக அவர் வரி செலுத்தி வருகிறாராம்.