சென்னை: இசை நிகழ்ச்சியில் தமன்னா கிளாமர் டான்ஸ் ஆடுவதற்கு பாடகர்கள் ஹரிஹரன், சங்கர் மகாதேவன் எதிர்ப்பு தெரிவித்ததால் பரபரப்பு ஏற்பட்டுள்ளது. ஹரிஹரன், சங்கர் மகாதேவன், அனுப் ஜலோட்டா ஆகிய பாடகர்கள் இணைந்து திரிவேணி என்ற பெயரில் புத்தாண்டையொட்டி டெல்லி, அகமதாபாத், இந்தூர் நகரங்களில் இசை நிகழ்ச்சிகள் நடத்துகிறார்கள். இந்நிகழ்ச்சிக்கு ஏற்பாடும் செய்யும் ஒருங்கிணைப்பாளர்கள், இதில் தமன்னா மற்றும் கவர்ச்சி நடிகை நோரா பதேஹி ஆகியோரின் நடனம் இடம்பெற்றால் நன்றாக இருக்கும் என தீர்மானித்தனர்.

இது தொடர்பாக தமன்னாவிடமும் நோரோவிடமும் பேசி அவர்களின் சம்மதத்தையும் பெற்றனர். இதுதொடர்பாக ஒப்பந்தம் கையெழுத்தாக இருந்தது. அந்த சமயத்தில் இது பற்றி அறிந்த பாடகர்கள் ஹரிஹரன், சங்கர் மகாதேவன் அதிர்ச்சி அடைந்தனர். எங்களது இசை நிகழ்ச்சியில் கிளாமர் ஆட்டம் இடம்பெறுவதா என அவர்கள் கோபம் அடைந்ததாக சொல்லப்படுகிறது. இதையடுத்து தமன்னா, நோரா பதேஹி டான்ஸ் நிகழ்ச்சி எங்கள் நிகழ்ச்சியுடன் நடந்தால் நாங்கள் பாட முடியாது என சொன்னதாக கூறப்படுகிறது. இதையடுத்து தமன்னா, நோராவின் டான்ஸ் நிகழ்ச்சியை நிகழ்ச்சி ஏற்பாட்டாளர்கள் கைவிட்டுள்ளனர்.