தூத்துக்குடி, செப். 24: தூத்துக்குடி மாவட்டத்தில் 8 ஒப்பந்த ஊழியர்களை பணியில் இருந்து நீக்கிய பிஎஸ்என்எல் நிர்வாகத்தைக் கண்டித்து ஊழியர்கள் கண்டன ஆர்ப்பாட்டம் நடத்தினர். நிதி ஆதாரத்தை மேம்படுத்துவது என்ற பெயரில் பிஎஸ்என்எல் பணியாற்றும் ஒப்பந்த ஊழியர்களில் 50% ஊழியர்களை குறைப்பது என்ற புதுடில்லி கார்ப்பரேட் அலுவலகம் உத்தரவிற்கிணங்க தூத்துக்குடி மாவட்டத்தில் 8 ஒப்பந்த ஊழியர்களை பணியில் இருந்து நிறுத்தப்பட்டுள்ளதாகவும், மேலும் 43 ஊழியர்களின் பணி நேரத்தை பாதியாக குறைத்தும் உத்தரவிடப்பட்டுள்ளதாகத் தெரிகிறது.