புதுக்கோட்டை, ஜூன் 18: புதுக்கோட்டை அருகே பைக்குகள் மோதலில் ஆசிரியர் படுகாயமடைந்தார். புதியம்புத்தூர் அம்மன் கோவில் தெருவைச் சேர்ந்தவர் ஹெர்பர்ட் முத்துராஜ் (55). இவர் அங்குள்ள பள்ளியில் ஆசிரியராக வேலைபார்த்து வருகிறார். இவரது மனைவி விஜிலா (50), தூத்துக்குடி அருகேயுள்ள செம்புலிங்கபுரம் டயோசீசன் பள்ளியில் ஆசிரியையாக பணிபுரிந்து வருகிறார். நேற்று முன்தினம் இவர்களது மகனும், பொறியியல் பட்டதாரியும், கால்பந்து வீரருமான ஹெர்பின் (23) என்பவர், புதியம்புத்தூரில் விளையாடிக் கொண்டிருந்த போது தவறி விழுந்ததில் படுகாயமடைந்தார். இதையடுத்து அவரை மீட்ட விஜிலா தூத்துக்குடியில் உள்ள தனியார் மருத்துவமனையில் சேர்த்தார்.