கிருஷ்ணகிரி, அக்.11: வேலம்பட்டி ஏரிக்கு செல்லும் கால்வாய் கரை உடைப்பு ஏற்பட்டுள்ளதால் மணல் மூட்டைகளை அடுக்கி தடுப்பு அமைக்கப்பட்டுள்ளது. கிருஷ்ணகிரி அணை இடது புறக்கால்வாயின் கடைமடை ஏரியான பாளேகுளி ஏரியில் இருந்து, கடந்த 2012ம் ஆண்டு புதிய கால்வாய் வெட்டப்பட்டது. இந்த கால்வாய் மூலம் சென்றாம்பட்டி ஏரி, அரசமரத்து ஏரி, செல்லம்பட்டி ஏரி, நாகரசம்பட்டி ஏரி, சந்தூர் ஏரி உள்ளிட்ட 28 ஏரிகளுக்கு தண்ணீர் செல்கிறது. கால்வாயில் பல இடங்களில் மண் அரிப்பு ஏற்பட்டும், எலி வலைகள் அமைக்கப்படுவதாலும் அடிக்கடி கால்வாய் உடையும் நிலை உள்ளது. தற்போது வேலம்பட்டி ஏரிக்கு செல்லும் கால்வாயில் உடைப்பு ஏற்பட்டு அங்கு மணல் மூட்டைகள் அடுக்கி தடுப்பு அமைக்கப்பட்டுள்ளது. இது குறித்து கிருஷ்ணகிரி அணை நீடிப்பு இடது கால்வாய் பயன்பெறுவோர் சங்க நிர்வாகி சிவகுரு கூறும்போது, பாளேகுளி ஏரியில் இருந்து 28 ஏரிகளுக்கு தண்ணீர் செல்லும் வகையில் 6 ஆண்டுகளுக்கு முன்பு கால்வாய் அமைக்கப்பட்டது.