சென்னை: டி.வி நடன நிகழ்ச்சிகளின் மூலம் பிரபலமான ராகவ் ரங்கநாதன், பிறகு திரைப்படங்களில் நடிகராகவும், இசை அமைப்பாளராகவும் பணியாற்றி வருகிறார். தற்போது அவர் எழுதி இயக்கியுள்ள படம், ‘நாக் நாக்’. அருள்நிதி நடித்த ‘தேஜாவு’, கிஷன் தாஸ் நடித்த ‘தருணம்’ ஆகிய படங்களை இயக்கியுள்ள அரவிந்த் ஸ்ரீனிவாசன், ஆர்கா எண்டர்டெயின்மெண்ட்ஸ் சார்பில் இப்படத்தை வெளியிடுகிறார். அவர் கூறுகையில், ‘மிகவும் திறமையான இயக்குனர்களின் தரமான கதைகளை ரசிகர்களிடம் கொண்டு போய் சேர்ப்பதே என் நோக்கமாகும். அப்படியொரு தரமான ‘நாக் நாக்’ படத்தை வெளியிடுவதை நினைத்து பெருமைப்படுகிறேன்’ என்றார்.

இல்லுஷன்ஸ் இன்ஃபினிட் சார்பில் தயாராகியுள்ள இப்படத்துக்கு ராஜா பட்டாச்சார்ஜி ஒளிப்பதிவு செய்ய, ‘பட்டாம்பூச்சி’ நவீன் சுந்தர் இசை அமைத்துள்ளார். ராகவ் ரங்கநாதன் கூறுகையில், ‘இதற்கு முன்பு ‘எந்திரன்’, ‘நஞ்சுபுரம்’ உள்பட பல படங்களில் நடித்திருக்கிறேன். ‘நாக் நாக்’ படத்தில் புரொபசர் ஒருவரின் மரணம் குறித்து முன்பே தெரிந்துவிடுகிறது. அவர் தனது உயிரை காப்பாற்றிக்கொள்ள என்ன செய்கிறார் என்பதை ஒரே இரவில் நடந்து முடியும் கதையாக இயக்கி நடித்துள்ளேன். எனக்கு ஜோடிசனம் ஷெட்டி’ என்றார்.