பெங்களூரு: ‘காந்தாரா’ முதல் பாகத்தின் வெற்றியை தொடர்ந்து தற்போது ‘காந்தாரா சேப்டர் 1’ என்கிற பெயரில் இப்படத்தின் முதன்மை பாகம் எடுக்கப்பட்டு வருகிறது. ரிஷப் ஷெட்டி நடித்து இயக்கி வருகிறார். கடந்த சில நாட்களாகவே ‘காந்தாரா சேப்டர் 1’ படத்தின் படப்பிடிப்பு வேகமாக நடைபெற்று வந்த நிலையில், இந்த படத்தில் நடிக்கும் கலைஞர்கள் பயணித்த பேருந்து விபத்தில் சிக்கியுள்ள சம்பவம் படக்குழுவினரை அதிர்ச்சியில் ஆழ்த்தியுள்ளது.

படப்பிடிப்புக்காக ஜூனியர் கலைஞர்களைக் ஏற்றிக்கொண்டு, சென்ற மினி பேருந்து கர்நாடக மாநிலம் கொல்லூர் அருகே உள்ள ஜட்கல் பகுதியில் நிலைதடுமாறி கவிழ்ந்தது. பேருந்தில் 20 பேர் இருந்த நிலையில், இதில் 6 பேர் படுகாயம் அடைந்துள்ளனர். காயமடைந்தவர்கள் மருத்துவமனைக்குக் கொண்டு செல்லப்பட்டு சிகிச்சை அளிக்கப்பட்டு வருகிறது. படப்பிடிப்பை உடனடியாக ரத்து செய்த படக்குழு, உடனடியாக மருத்துவமனைக்கு சென்று காயமடைந்தவர்களுக்கு ஆறுதல் கூறியுள்ளனர்.