முத்துப்பேட்டை: முத்துப்பேட்டை தில்லைவிளாகம் வீரகோதண்ட ராமசுவாமி கோயில் ராமநவமி வருட பெருந்திருவிழாவையொட்டி நேற்று மாலை தேரோட்டம் நடந்தது. திருவாரூர் மாவட்டம் முத்துப்பேட்டை அடுத்த தில்லைவிளாகம் கிராமத்தில் உள்ள வீரகோதண்டராம சுவாமி கோயில் புகழ்பெற்ற கோயிலாகும். இந்த கோயிலில் ஒவ்வொரு வருடமும் ராமநவமி வருட பெருவிழா வெகு சிறப்பாக நடைபெறும். இந்நிலையில் கடந்த 13ம் தேதி ராமநவமி வருட பெருவிழா கொடியேற்றத்துடன் துவங்கியது. அன்று முதல் தினமும் கோவில் உபயதாரர்கள் சார்பில் பல்வேறு நிகழ்ச்சிகள் நடந்து வருகின்றன.