துலாம்

ராசிநாதன் சுக்கிரன் லாப ஸ்தானத்தில் இருப்பதால் உங்கள் எதிர்பார்ப்புகள் நிறைவேறும். பிள்ளைகள் உங்களை புரிந்து கொண்டு பாசம் காட்டுவார்கள். சுய தொழில் செய்பவர்களுக்கு புதிய தொழில் வாய்ப்புகள் தேடி வரும். ராகு எட்டில் இருப்பதால் மாணவர்கள் கல்வியில் முழு கவனம் செலுத்துவது அவசியம். நண்பர்கள் சேர்க்கையை தவிர்ப்பது நலம் தரும். புதன் பார்வை காரணமாக மாமன் வகை உறவுகளால் ஆதாயம் உண்டு. அரசாங்கத்திலிருந்து வரவேண்டிய அனுமதி கடிதங்கள் சான்றிதழ்கள் கைக்கு வரும். அலுவலக வேலை சம்பந்தமாக வெளியூரில் தங்கி வேலை செய்ய வேண்டியிருக்கும்.

சந்திராஷ்டமம்: 2.8.2021 அதிகாலை 4.46முதல் 4.8.2021மாலை 4.26 வரை.

பரிகாரம்: தினமும் காலை மாலை கோளறு பதிகம் படிக்க குழப்பங்கள் தடைகள் நீங்கும். ஏழை கர்ப்பிணிப் பெண்களின் தேவை அறிந்து உதவலாம்.

>