26.2.2026 முதல் 4.3.2026 வரை

சாதகங்கள்: இந்த வாரம் எல்லா கோள்களும் லாபஸ்தானமாகிய 11-ஆம் இடத்தில் இருப்பதால், நிச்சயம் வியாபாரத்திலும் தொழிலிலும் லாபம் உண்டு. வெகு காலமாக எதிர்பார்த்த உத்தியோக உயர்வுகள், சம்பள உயர்வுகள் கிடைக்க வாய்ப்புண்டு. குருவும் 11ஆம் இடத்தைப் பார்ப்பதால், முன்னேற்றத்தை நிச்சயமாக சொல்லலாம். மற்றபடி இது நன்மையைத் தருகின்ற அமைப்புதான். குடும்பத்தில் மகிழ்ச்சி ஏற்படும். சமூக அந்தஸ்து உயரும். எதிர்பாராது சில நல்ல விஷயங்கள் நடக்கும். வருமானத்தில் வளர்ச்சி உண்டு.

கவனம் தேவை: பதினோராம் இடம் என்பது மேஷ ராசிக்கு பாதகஸ்தானமும்கூட என்பதை மறந்து விடக்கூடாது. அங்கே சுக்கிரன் இருப்பதால், பெண் களால் பிரச்னைகள் உண்டு. அதிர்ஷ்டங்களுக்குள்ளேயே துரதிருஷ்டமும் சிலருக்கு உண்டு. அவரவர் ஜாதகம் பொறுத்து கைக்கு கிடைத்தது வாய்க்கு கிடைக்கவில்லை என்பது போல கடைசி நேரத்தில் தடங்கல்கள் ஏற்படுவதும், நினைத்தது ஒன்று நடந்தது ஒன்றாக இருப்பதுமாக அமைய வாய்ப்புண்டு. குரு
மூன்றாம் இடத்தில் ஸ்தான பலத்தோடு இருப்பதால், செலவுகள் அதிகரிக்கவே செய்யும். கேது ஐந்தாம் இடத்தில் இருப்பதால், பிள்ளைகளால் சில பிரச்னைகள் ஏற்படும்.

பரிகாரம்: மந்த்ராலயா மகானை நினைத்துக் கொள்ளுங்கள். வாழ்வு மகத்தானதாக மாறும்.