(4.12.2025 முதல் 10.12.2025 வரை)

சாதகங்கள்: மூன்றாம் இடத்தில் சூரியன் அமர்ந்திருப்பதால் துணிச்சலோடு எந்தக் காரியங்களையும் செய்வீர்கள். அரசாங்க ஆதரவு கிடைக்கும். உத்தியோகத்தில் உள்ளவர்கள் பதவி உயர்வு பெறும் வாய்ப்பு உண்டு. லாபஸ்தானத்தில் குரு அமர்ந்து முக்கியமான இடங்களைப் பார்வையிடுவதால் நன்மைகள் அதிகரிக்கும். பொருளாதார வெற்றி கிடைக்கும். கடன் சுமை குறையும் தொழிலில் எதிர்பார்த்த லாபம் கிடைக்கும். இடம் பூமி வாங்கும் முயற்சி கைகூடும். பத்திரப்பதிவில் இருந்த தடைகள் நீங்கும். சுபகாரிய முயற்சிகள் பலிக்கும். ஆரோக்கியம் நன்றாக இருக்கும். குடும்பச் சூழல் மனநிறைவைத் தரும். திருமணமாகி குழந்தைகளுக்காக காத்திருக்கும் பெண்களுக்கு குழந்தை பாக்கியம் கிடைக்கும் கிரக நிலைகள் உள்ளன.

கவனம் தேவை: மூன்றாம் இடத்தில் புதன் அமர்ந்திருப்பதால் சில நேரங்களில் தவறுதலாகக் காரியங்களைச் செய்துவிட்டு வருத்தப்படும் நிலை ஏற்படும். ஏன் இப்படி செய்தோம் என்று எண்ணும்படியாக நிகழும். 12-ல் கேது அமர்ந்திருப்பதால் தூக்கம் கெடும். உடல்நல பிரச்னைகள் ஏற்படும். மனதில் கற்பனையாக பயம் ஏற்படும்.

பரிகாரம்: வராகி அம்மனை வழிபடுங்கள் வாழ்வில் வெற்றி கிடைக்கும்.