(11.6.2026 முதல் 17.6.2026 வரை)

சாதகங்கள்: ராசிநாதன் சனிபகவான் சாதகமாக இருக்கிறார். ஏழில் குரு அமர்ந்து உங்கள் ராசியைப் பார்ப்பது நல்ல அமைப்பு. அவரோடு சுக்கிரனும் இணைந்து இருக்கின்றார். வாரத்தின் முடிவில் சூரியன் மிதுன ராசிக்கு வரும் பொழுது, உங்கள் ஆற்றல் அதிகரிக்கும். குடும்பத்தில் குழப்பங்கள் நீங்கும். கணவன் மனைவி உறவுகள் இனிக்கும். சுபகாரிய நிகழ்ச்சிகள் தடை விலகி உறுதியாகும். உடன்பிறந்தவர்கள் உதவுவார்கள். கலைத்துறையினருக்கு வாய்ப்புகள் அதிகரிக்கும். நான்கில் செவ்வாய் ஆட்சிபெற்ற நிலையில் இருப்பதாலும், அவர் சுகலாபாதிபதியாக இருப்பதால், உத்தியோகத்திலும் போட்டி தேர்வுகளிலும் சிறந்த முன்னேற்றம் உண்டு.

கவனம் தேவை: ராகு இரண்டில் இருப்பதை கவனத்தில்கொள்ளுங்கள். வியாபாரத்தில் போட்டிகள் இருக்கும். உத்தியோகத்தில் அதிக வேலை எரிச்சலைத் தரலாம். மேலதிகாரிகளோடு நல்ல உறவு மேற்கொள்ள வேண்டும். வாகனங்கள் அடிக்கடி பழுதுபட்டு சிரமத்தைத் தரலாம். அலைச்சல் அதிகரிக்கும். வாக்குவாதம் வேண்டாம். சிறிய தவறுகளும் பெரிய பிரச்னைகளை உண்டாக்கும்.

பரிகாரம்: ராகவேந்திரரை வணங்குங்கள்.