(11.6.2026 முதல் 17.6.2026 வரை)

சாதகங்கள்: வாரத்தின் முற்பகுதியில் ராசிக்கு மூன்றில் சூரியனும், பூர்வ புண்ணிய ஸ்தானத்தில் குரு சுக்கிரன் என்ற இரண்டு சுபகிரகங்களும் இருப்பதால், மிகச் சிறந்த நன்மையைப் பெறுவீர்கள். சிறிய சிக்கல்கள் இருந்தாலும், உடனுக்குடன் சரியாகும். சுக்கிரன் சாதகமான இடத்தில் இருப்பதால், மனக்குழப்பங்கள் நீங்கி தெளிவு பிறக்கும். குடும்பத்தில் இனிமை இருக்கும். பழைய கடன்களை அடைத்துவிடுவீர்கள். போதுமான அளவிற்கு பணம் வரும். கணவன் மனைவி உறவுகள் நல்ல முறையில் இருக்கும். வெளிநாட்டு வேலையைத் தேடுபவர்களுக்கு அதற்கான வாய்ப்புகள் வீடு தேடிவரும். முக்கியஸ்தர்களைச் சந்திப்பீர்கள். தந்தைவழி உறவுகள், கை கொடுக்கும். எதிர்பார்த்த பதவி உயர்வு கிடைக்கும். கலைஞர்களுக்கு புதிய வாய்ப்புகள் உண்டு.

கவனம் தேவை: 12ல் ராகு, ஜென்மச் சனி என்பதால், தேவையற்ற டென்ஷன்கள் வந்து உங்களை அலைக்கழிக்கும். நிதானம் தேவை. யாருக்கும் வாக்கு தரவேண்டாம். பிரம்மாண்டமான எண்ணங்களால் அவஸ்தைப்பட வேண்டாம். ராகு-கேது இருவரும் மற்ற கிரகங்களை செயல்படவிடாமல் தடுக்கும் அமைப்பு என்பதால், எதிலும் பதற்றப்படாமல் நிதானமாக இருங்கள்.

பரிகாரம்: நாகத்தில் அமர்ந்திருக்கும் அம்மனை வணங்குங்கள். நலம் கிடைக்கும்.