(15.1.2026 முதல் 21.1.2026 வரை)

சாதகங்கள்: லாப ஸ்தானத்தில் சுப கிரகங்கள் அமர்ந்திருக்கின்றன. ராசி நாதன் தொழில் ஸ்தானத்தைப் பார்வையால் பலப்படுத்துகின்றார். சங்கடமான சூழ்நிலைகள் மாறி, மனம் சாந்தி அடையும். பிரச்னைகளில் இருந்து அப்பாடா என்று வெளியே வரும் மனநிலையைப் பெறுவீர்கள். மனஅழுத்தம் குறையும். தன்னம்பிக்கை அதிகரிக்கும். லாப ஸ்தானத்தில் புதன் சுக்கிரன் இவர்களோடு சூரியனும் இணைந்திருப்பது அற்புதமான அமைப்பு. வழக்குகள் சாதகமாக முடியும் வருமானத்தில் குறைவிருக்காது ஆசைகள் பூர்த்தியாகும் சுப நிகழ்ச்சிகள் நடக்கும் வாய்ப்பு உண்டு.

கவனம் தேவை: விரய ஸ்தானம் பலப்பட்டு இருப்பதால் செலவுகள் செய்யும் பொழுது உற்சாகத்தில் சேமிப்பு கரைந்து விடும்படியாகச் செய்ய வேண்டாம். நல்ல செலவுகள் செய்யும் பொழுது உங்கள் கவனத்தையும் மீறி தேவையற்ற செலவுகளும் செய்ய வேண்டி இருக்கும். புதிய பொறுப்புக்களால் பணிச்சுமை அதிகரிக்கும். உங்கள் உற்சாகத்தைக் குறைக்கும் படியாக சில சம்பவங்கள் நடக்கலாம். சோம்பலால் சில வாய்ப்புகளை இழக்கும் படி நேரலாம். கவனம் தேவை.

பரிகாரம்: ஞாயிற்றுக்கிழமை ராகு காலத்தில் துர்க்கைக்கு விளக்கு போடுங்கள்.