25.4.2024 முதல் 1.5.2024 வரை

சாதகங்கள்: இதுவரை ராசிக்கு இரண்டில் இருந்த குரு பகவான், ராசிக்கு மூன்றாம் இடத்தில் மாறி உங்கள் பாக்கியஸ்தானத்தையும் லாபஸ்தானத்தையும் பார்வையிடுகின்றார். குரு இருக்கின்ற இடத்தில் சில தொந்தரவுகள் வந்தாலும், அவருடைய சுபப்பார்வைகள் சுப இடங்களில் விழுவதால், இதுவரை மீன ராசிக்காரர்கள் பட்ட கஷ்டங்களிலிருந்து வெளிச்சம் கிடைக்கும். சுக்கிரன் அமைப்பினால், சில நன்மைகள் உண்டு. ராசியில் இருந்த சூரியன் ராசிக்கு இரண்டில் மாறுவதால், அவருடைய கிரகண தோஷம் விலகியது என்று எடுத்துக் கொள்ளலாம். கடன் சுமை குறையும். சகோதரர்களிடம் இணக்கம் ஏற்படும். உயர்கல்விக்காக பிள்ளைகள் வெளிநாடு செல்லும் வாய்ப்பு கிடைக்கும்.

கவனம் தேவை: தொடர்ச்சியாக சில உடல் உபாதைகள் இருந்து கொண்டே இருக்கும். ஏழாம் இடத்தில் கேது இருப்பதால், கணவன் அல்லது மனைவியின் உடல் நலம் பாதிக்கும். மனதில் தேவையில்லாத கவலைகள் சூழ்ந்து மனதில் நிம்மதி குறையும் தூக்கம் குறையும். மனதில் தயக்கமும் சோம்பலும் அதிகரிக்கும் சக்திக்கு மீறிய உடல் உழைப்பினால் உடல் நலன் பாதிக்கும் விரையச் சனி என்பதால், எதிலும் கவனம் தேவை.

சந்திராஷ்டமம்:23.4.2024 காலை 9.18 முதல் 25.4.2024 இரவு 8.00 வரை சந்திராஷ்டமம் உண்டு. சந்திராஷ்டம தினத்தில் பேச்சில் கவனமாக இருக்கவும். வாதப் பிரதிவாதங்களில் ஈடுபட வேண்டாம்.

பரிகாரம்: குலதெய்வத்தை வணங்க குடும்பம் செழிக்கும். ஞாயிற்றுக்கிழமை நாகப்
பிரதிஷ்டை செய்யப்பட்டு இருக்கும் இடத்தில் விளக்கேற்றி வாருங்கள்.