21.11.2024 முதல் 27.11.2024 வரை

சாதகங்கள்: மூன்றாம் இடத்தில் அமர்ந்த கேது உங்களுக்கு மிக சாதகமான பலன்களை அளிப்பார். வெளிநாட்டு வேலை வாய்ப்பு, வெளிநாட்டுக்குச் செல்லும் யோகம், அன்னியர்களின் உதவி கிடைக்கும் வாய்ப்பு உண்டு. தனுசு ராசியில் சுக்கிரன் பலம் பெற்று இருப்பதால், கலைத்தொழில்கள் நன்றாக நடக்கும். ஆடை ஆபரணச் சேர்க்கை உண்டு. விலை உயர்ந்த பொருள்களை வாங்கும் யோகம் ஏற்படும். உங்கள் ராசிக்கு 11ஆம் இடத்தில் குரு அமர்ந்து ராசியின் 5ஆம் இடத்தைப் பார்ப்பதால், பூர்வ புண்ணிய பலம் அதிகரிக்கும். மூன்றாம் இடத்தைப் பார்ப்பதால் எதையும் தெளிவோடு சிந்திப்பீர்கள். திருமண மற்றும் சுப நிகழ்ச்சிகள் நடக்கும் வாய்ப்புண்டு.

கவனம் தேவை: பொது வாழ்வில் உள்ளவர்கள் மிகவும் கவனமாக இருக்க வேண்டிய காலம் இது. பெண்களால் அபவாதம் ஏற்படும். குடும்ப ரகசியங்களை மற்றவர்களிடம் பகிர்ந்து கொள்ளவேண்டாம். பங்குதாரர்களால் சிறு பிரச்னைகள் ஏற்படலாம். வக்கிரம் நீங்கிய அஷ்டமச் சனி என்பதாலும் அவர் பார்வை குடும்ப ராசியில் விழுவதாலும் கொடுக்கல் வாங்கல்களிலும் குடும்ப உறவுகளிலும் மிகுந்த கவனம் தேவை.

பரிகாரம்: அஷ்டமச் சனி நடப்பதால் சனிக்கிழமை தோறும் நவகிரக சந்நதி உள்ள கோயிலுக்குச் சென்று வாருங்கள். காக்கைக்கு சனிக்கிழமை எள் சாதம் போடுங்கள்.