(11.6.2026 முதல் 17.6.2026 வரை)

சாதகங்கள்: ராசியில் இரண்டு சுபகிரகங்கள் குருவும், சுக்கிரனும் இணைந்து இருப்பது சிறப்பு. சுகாதிபதியான சுக்கிரன், ராசியில் சஞ்சரிக்கும் பொழுது, மனம் இனிமையாக இருக்கும். உற்சாகத்தோடு காரியங்களில் ஈடுபடுவீர்கள். ஏதோ ஒரு சந்தோஷம் மனதை வருடிக் கொண்டே இருக்கும். குரு ராசியில் இருப்பதால், சில தொல்லைகள் உண்டு என்றாலும், குருவின் பார்வை அந்தத் தொல்லைகளின் வீரியத்தைக் குறைக்கும். பிள்ளைகளின் வழியில் நல்ல செய்தி கிடைக்கும். வேலையில்லாதவர்களுக்கு நல்ல வேலை கிடைக்கும். வாரத்தின் முற்பகுதியில் சூரியன் லாப (11) ராசியில் இருப்பதால், அரசாங்க காரியங்கள் சித்தியாகும். கொடுக்கல் வாங்கல்களில் குழப்பங்கள் தீரும். வெளிநாட்டில் பணிபுரிய ஆசைப்பட்டவர்களுக்கு நல்ல வாய்ப்புகளும் கிடைக்கும்.

கவனம் தேவை: இரண்டாம் இடத்தில் கேது நிற்பதால், பேச்சில் கவனம் தேவை. தேவையற்ற விமர்சனங்கள் வேண்டாம். அரசாங்க காரியங்களில் கூடுதல் கவனம் செலுத்துங்கள். வீண் பழிச்சொல்லினால் பாதிக்கப் படலாம். ஜென்மக் குருவால் அவ்வப்பொழுது நிம்மதிக்குச் சோதனை வரும். சிலருக்கு உத்தியோக மாற்றங்கள் ஏற்படலாம்.

பரிகாரம்: சூரிய நாராயணனையும், அருகில் உள்ள சிவன்கோயிலில் சிவன் அம்பாளையும் வணங்குங்கள்.