16.4.2026 முதல் 22.4.2026 வரை

சாதகங்கள்: எதிரிகளை வெல்லும் சக்தி அதிகரிக்கும். துணிவு மற்றும் செயல்திறன் உயரும். ஆறாம் இடத்தில் சூரியன் இருப்பதால் அரசாங்க காரியங்கள் அனுகூலமாகும். எதிர்பார்த்த ஒப்பந்தங்கள் கிடைக்கும். போட்டித் தேர்வுகளில் வெற்றி கிடைக்கும். வேலைவாய்ப்பு உண்டு. இழந்த வேலையைத் திரும்ப பெறும் வாய்ப்பு உண்டு. ஆடை ஆபரணச் சேர்க்கை உண்டு ராகு வீடு, மன அமைதி போன்றவற்றில் மாற்றங்களை உருவாக்கும். செவ்வாய் ஐந்தாம் இடத்திற்கு வந்து லாப ஸ்தானத்தைப் பார்ப்பது சிறப்பு. பிள்ளைகளால் பெருமை உண்டு அவர்களது எதிர்காலத்தை நினைத்து செய்த முயற்சிகள் பலன் அளிக்கும்.

கவனம்தேவை: முன் கோபத்தைத் தடுக்க வேண்டும். பிள்ளைகளோடு பிரச்னைகள் வரலாம். காரணம் ஐந்தாம் இடத்தில் செவ்வாய் சனியோடு இணைந்து இருக்கிறார். எனவே பிள்ளைகள் விஷயத்தில் விட்டுக் கொடுத்துச் செல்லுங்கள். எதையும் அவர்கள் புரிந்து கொள்வதற்கு வாய்ப்பினைத் தாருங்கள். பத்தாம் இடத்தில் கேது இருப்பதால் தொழிலில் திருப்தியின்மை இருக்கலாம். எட்டாம் இடத்தில் குரு நிதி விஷயத்தில் சிக்கலை உருவாக்கும். வருமானம் அதிகரிக்கும் என்றாலும்கூட செலவும் அதிகரிக்கும்.

சந்திராஷ்டமம்: 21.4.2026 பகல் 1.02 முதல் 23.4.2026 பிற்பகல் 03.13 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.

பரிகாரம்: லட்சுமி நரசிம்மரை வணங்குங்கள்.