தர்மபுரி, டிச.9: தர்மபுரி மாவட்டத்தில் உள்ள 10 ஊராட்சி ஒன்றியங்களில், 188 வார்டு உறுப்பினர் பதவிக்கான இடஒதுக்கீடு அறிவிக்கப்பட்டுள்ளது.தர்மபுரி மாவட்டத்தில் தர்மபுரி, நல்லம்பள்ளி, பென்னாகரம், காரிமங்கலம், பாலக்கோடு, மொரப்பூர், பாப்பிரெட்டிப்பட்டி, அரூர், கடத்தூர், ஏரியூர் ஆகிய 10 ஒன்றியங்கள் உள்ளன. இந்த 10 ஒன்றியங்களில் உள்ள 188 வார்டுகளுக்கான தேர்தல், வரும் 27ம் தேதி மற்றும் 30ம் தேதிகளில் நடக்கவுள்ளது. இந்நிலையில் 10 ஊராட்சி ஒன்றிய குழு உறுப்பினர் பதவிக்கான இடஒதுக்கீடு அறிவிக்கப்பட்டுள்ளது. அதன்படி, அரூர் ஊராட்சி ஒன்றியத்தில், 23 ஒன்றியக்குழு உறுப்பினர்களுக்கான இடங்கள் உள்ளன. அரூர் ஊராட்சி ஒன்றியக் குழுத் தலைவர் பதவியானது மகளிருக்கு (பொது) ஒதுக்கீடு செய்யப்பட்டுள்ளது. ஒன்றியக்குழு உறுப்பினர் பதவிக்கான இட ஒதுக்கீடு விவரம்: எஸ்.டி (மகளிர்): கோட்டப்பட்டி மற்றும் நரிப்பள்ளி ஊராட்சி (வார்டு எண் 23). எஸ்.டி (பொது): சிட்லிங் ஊராட்சி (வார்டு எண் 22). எஸ்.சி (மகளிர்): எம்.வேளாம்பட்டி, மருதிப்பட்டி (வார்டு எண் 1), கீழ்மொரப்பூர் மற்றும் கே.வேட்ரப்பட்டி (வார்டு எண் 2), வேடகட்டமடுவு கிராம ஊராட்சி (வார்டு எண் 5), பேதாதம்பட்டி மற்றும் கொக்கராப்பட்டி (வார்டு எண் 20).