சென்னை: தெலுங்கில் பல தரமான படங்களை தந்தவர் சேகர் கம்முலா. அவரது அடுத்த படம், தெலுங்கு மற்றும் தமிழில் உருவாகியுள்ள தனுஷின் ‘குபேரா’ ஆகும். இதன் முதல் பாடலான ‘போய் வா நண்பா’ என்ற பாடல் வெளியாகி வைரலாகி வருகிறது. தேசிய விருது பெற்ற மூவர் இப்பாடலில் பணியாற்றியது குறிப்பிடத்தக்கது. இயக்குனர் சேகர் கம்முலா, தனுஷ், இசை அமைப்பாளர் தேவி பிரசாத் ஆகியோர் தேசிய விருதுகளை வென்றவர்கள்.

பாடலை தமிழில் விவேகா எழுதியுள்ளார். தனுஷ் பாடியுள்ளார். இந்த படத்தில் முக்கிய வேடங்களில் நாகார்ஜூனா, ராஷ்மிகா மந்தனா, ஜிம் சர்ப், தலிப் தஹில் நடித்துள்ளனர். ஸ்ரீவெங்கடேஸ்வரா சினிமாஸ், ஏஷியன் சினிமாஸ், அமிகோஸ் கிரியேஷன்ஸ் இணைந்து தயாரித்துள்ள இப்படம், வரும் ஜூன் 20ம் தேதி திரைக்கு வருகிறது. இந்தி, கன்னடம், மலையாளம் ஆகிய மொழிகளிலும் படம் டப்பிங் செய்யப்படுகிறது.