சென்னை: மருத்துவம் படித்து பட்டம் வாங்கிய ஸ்ரீலீலா, சினிமாவில் நடிக்க அதிக ஆர்வம் காட்டுகிறார். தெலுங்கில் முன்னணி ஹீரோயினாக இருக்கும் அவரது நடிப்பில், 2019ல் கன்னடத்தில் வெற்றிபெற்ற ‘கிஸ்’ என்ற படம், தமிழில் ‘கிஸ் மீ இடியட்’ என்ற பெயரில் ரீமேக் செய்யப்படுகிறது. நாகன் பிக்சர்ஸ் தயாரிக்கிறது. வீராட், ரோபோ சங்கர், நாஞ்சில் விஜயன், அஸ்வதி நடிக்கின்றனர்.

ஜெய்சங்கர் ராமலிங்கம் ஒளிப்பதிவு செய்ய, பிரகாஷ் நிக்கி இசை அமைக்கிறார். மணிமாறன் பாடல்கள் எழுதுகிறார். இதை கன்னடத்தில் இயக்கியிருந்த ஏ.வி.அர்ஜூன் தமிழிலும் இயக்குகிறார். சென்டிமெண்ட் கலந்த காதல் கதையாக படம் உருவாகிறது. தெலுங்கில் முன்னணி ஹீரோக்களுடன் மட்டுமே நடிக்கும் ஸ்ரீலீலா, தமிழில் சுதா கொங்கரா இயக்கும் ‘பராசக்தி’ என்ற படத்தில் சிவகார்த்திகேயன், ரவி மோகன், அதர்வா முரளி ஆகியோருடன் இணைந்து நடித்து வருகிறார்.