அவர் தன் தோல்வியை உணர்ந்து மாறியதற்கான எந்த ஆதாரமும் இல்லை. ஆனால் அதேசமயம் எதிர்க்கட்சிகள் புதிய, ஆக்ரோஷமான செயல்பாடுகளை வௌிப்படுத்தின. இந்த ஆட்சி கூட்டணி கட்சிக்கான ஆணை, மக்களை ஒன்றிணைத்து அழைத்து செல்வதற்கான ஆணை, தேசிய ஜனநாயக கூட்டணியில் அங்கம் வகிக்காத மற்ற அனைத்து கட்சிகளின் பேச்சையும் கேட்பதற்கான ஆணை என்பதை மோடி அரசு உணர வேண்டும்” என்று தெரிவித்தார்.
தொடர்ந்து பேசிய ஜெய்ராம் ரமேஷ், “காங்கிரசை ஒட்டுண்ணி என மோடி சொல்கிறார். ஒரு ஒட்டுண்ணியால் மட்டுமே அந்த வார்த்தையை சொல்ல முடியும். பாஜவின் சாதனைகளை எடுத்து பார்த்தால் அது மாநில கட்சிகளை எப்படி சாப்பிட்டது என்பது புரியும். அந்த வரிசையில் தற்போது பிஜூ ஜனதா தளம் உள்ளது. தேர்தல் பிரசாரம் முழுவதும் உயிரியல் சாராத பிரதமரும், அவரது சகாக்களும் வெறுப்பு, மதவெறி, வன்முறை பேச்சுகளை பேசினர். மோடியின் 3.0 அரசு நீடிக்காது” என்று காட்டமாக தெரிவித்தார்.
* சட்டப்பேரவை தேர்தலில் ஆம் ஆத்மியுடன் கூட்டணி இல்லை
ஜெய்ராம் ரமேஷ் கூறுகையில் “பஞ்சாப், அரியானா பேரவை தேர்தல்களில் காங்கிரஸ் ஆம் ஆத்மியுடன் கூட்டணி வைத்து போட்டியிடாது. டெல்லி பேரவை தேர்தலில் காங்கிரசுடன் கூட்டணி இல்லை என ஆம் ஆத்மி ஏற்கனவே தெரிவித்துள்ளது. மகாராஷ்டிரா பேரவை தேர்தலில் உத்தவ் சிவசேனா, தேசியவாத காங்கிரஸ்(சரத் சந்திரபவார்) கட்சிகளுடனும், ஜார்க்கண்ட் பேரவை தேர்தலில் ஜார்க்கண்ட் முக்தி மோர்ச்சாவுடனும் காங்கிரஸ் கூட்டணி வைத்து போட்டியிடும்” என்று ஜெய்ராம் ரமேஷ் கூறினார்.
The post மாநில கட்சிகளை அழிக்கும் பாஜதான் ஒரு ஒட்டுண்ணி: மோடிக்கு காங்கிரஸ் பதிலடி appeared first on Dinakaran.