சென்னை: திமுக கூட்டணி கட்சிகளை ஆதரித்து தஞ்சாவூரில் நாளை 4ம் கட்ட பரப்புரையை முதல்வர் மு.க ஸ்டாலின் தொடங்குகிறார். முதல்வர் மு.க.ஸ்டாலின் பரப்புரையின் முதல் கட்டம் மார்ச் 31ம் தேதி திருவாரூரில் தொடங்கியது. இப்போது 4ம் கட்டமாக தென்தமிழக மாவட்டங்களில் பரப்புரை நடத்த திமுக தலைமை அட்டவணை வெளியிட்டுள்ளது. ஏப்ரல் 10, வெள்ளிக்கிழமையன்று மாலை 5 மணிக்கு தஞ்சாவூரில் பொதுக்கூட்டம் நடைபெறும். இந்தக் கூட்டத்தில் திருவையாறு, தஞ்சாவூர், ஒரத்தநாடு, பட்டுக்கோட்டை, பேராவூரணி, பாபநாசம், திருவிடைமருதூர், கும்பகோணம் ஆகிய தொகுதிகளின் வேட்பாளர்கள் கலந்துகொள்வார்கள். ஏப்ரல் 11, சனிக்கிழமையன்று மாலை 4 மணிக்கு புதுக்கோட்டையில் பொதுக்கூட்டம் நடைபெறும்.

கந்தர்வக்கோட்டை, திராவிடமலை, புதுக்கோட்டை, திருமயம், ஆலங்குடி, அறந்தாங்கி தொகுதிகளின் வேட்பாளர்கள் கலந்துகொள்வார்கள்.அதே நாள் மாலை 7 மணிக்கு திருப்பத்தூரில் இரண்டாவது பொதுக்கூட்டம் நடைபெறும். காரைக்குடி, திருப்பத்தூர், சிவகங்கை, மானாமதுரை தொகுதிகளின் வேட்பாளர்கள் கலந்துகொள்வார்கள். ஏப்ரல் 12, ஞாயிற்றுக்கிழமையன்று மாலை 4 மணிக்கு பரமக்குடியில் பொதுக்கூட்டம் நடைபெறும். பரமக்குடி, திருவாடானை, ராமநாதபுரம், முதுகுளத்தூர் தொகுதிகளின் வேட்பாளர்கள் கலந்துகொள்வார்கள். அதே நாள் மாலை 7 மணிக்கு தூத்துக்குடியில் கடைசி பொதுக்கூட்டம் நடைபெறும். விளாத்திகுளம், தூத்துக்குடி, திருச்செந்தூர், திருவைகுண்டம், ஒட்டப்பிடாரம், கோவில்பட்டி தொகுதிகளின் வேட்பாளர்கள் கலந்துகொள்வார்கள்.

இந்த மூன்று நாட்களில் மொத்தம் 6 பொதுக்கூட்டங்கள் மூலம் தஞ்சாவூர், புதுக்கோட்டை, சிவகங்கை, ராமநாதபுரம், தூத்துக்குடி ஆகிய 5 மாவட்டங்களில் 20க்கும் மேற்பட்ட தொகுதிகளில் வேட்பாளர்களுக்கு முதலமைச்சர் மு.க.ஸ்டாலின் வாக்கு சேகரிக்கிறார். முதல்வர் பயணிக்கும் வழியில் எந்த வரவேற்பு நிகழ்ச்சியும், தனி கூட்டமும் ஏற்பாடு செய்யக் கூடாது. கட்சி நிர்வாகிகள் முதல்வர் தங்கும் இடத்திற்கு வரக்கூடாது. அவரவர் தொகுதியில் நடைபெறும் பொதுக்கூட்டத்திற்கே நேரடியாக வர வேண்டும் என்று கேட்டுக் கொள்ளப்பட்டுள்ளது.