புதுடெல்லி: குடியரசு தினத்தை முன்னிட்டு இன்று ஸ்பெஷல் கூகுள் டூடுல் வெளியாகி உள்ளது. அதனை பலரும் பாராட்டி வருகின்றனர். நாட்டின் 74வது குடியரசு தின விழா இன்று கொண்டாடப்படும் நிலையில், இணைய தேடு பொறி நிறுவனங்களில் முதன்மை நிறுவனமான கூகுள் நிறுவனம், தனது டூடுல் அமைப்பை, அந்தந்த நாளின் சிறப்புக்கு ஏற்றார் போல் மாற்றி அமைத்து வருகின்றது. அந்த வகையில் உலகின் மிக பெரிய ஜனநாயக நாடான இந்தியாவின் குடியரசு தின விழாவினை பிரதிபலிக்கும் வகையில், கூகுள் நிறுவனம் தனது டூடுல் அமைப்பை இன்று மாற்றி அமைத்துள்ளது.