வானூர்: ஆரோவில் உதய தினத்தை யொட்டி இன்று காலை மாரத்தான் ஓட்டப் போட்டி நடைபெற்றது. இதில் வெளிநாட்டினர் உட்பட 3 ஆயிரம் பேர் கலந்து கொண்டு ஓடினர். புதுச்சேரி அடுத்துள்ள தமிழக பகுதியான விழுப்புரம் மாவட்டம் ஆரோவில் சர்வதேச நகரத்தில் உலக அமைதி, சுற்றுச்சூழல் பாதுகாப்பு மற்றும் ஆரோவில் உதயமான தினத்தையொட்டி 13வது மாரத்தான் ஓட்டம் இன்று காலை நடந்தது. அதிகாலை 5 மணியளவில் 42 கிலோ மீட்டர் பிரிவும், 6.15 மணிக்கு 21 கிலோ மீட்டர் பிரிவும், 7 மணிக்கு 10 கிலோ மீட்டர் பிரிவும், 7.15 மணிக்கு 5 கிலோ மீட்டர் பிரிவும் துவங்கியது. இதில் வெளிநாட்டு சுற்றுலா பயணிகள், ஆரோவில் வாசிகள், சுற்றுவட்டாரத்தை சேர்ந்த இளைஞர்கள் என 3 ஆயிரம் பேர் பங்கேற்றனர்.