சென்னை: சென்னையில் ஆபரணத் தங்கத்தின் விலை சவரனுக்கு ரூ.400 உயர்ந்து ரூ.68,480க்கு விற்பனை செய்யப்படுகிறது. கடந்த சில மாதங்களாகவே சர்வதேச சந்தை நிலவரத்தின் படி தங்கத்தின் விலை உயர்ந்து கொண்டே வருகிறது. அவ்வப்போது தங்கம் விலை சற்று குறைந்தாலும், அடுத்தடுத்த நாட்களில் மீண்டும் அதிகரித்து, கணிக்க முடியாத அளவில் புதிய உச்சங்களைத் தொட்டு வருகிறது. இந்நிலையில், இந்த ஆண்டு ஜனவரி தொடங்கியதில் இருந்தே தங்கம் விலை ராக்கெட் வேகத்தில் தினம் தினம் புதிய உச்சம் தொட்டு வந்த நிலையில், கடந்த ஒரு வாரமாக ஏற்ற இறக்கத்துடன் காணப்பட்டது.

அந்தவகையில், நேற்று முன்தினம் சென்னையில் ஆபரண தங்கத்தின் விலை புதிய உச்சத்தை தொட்டு சவரன் ரூ.68,080க்கு விற்பனை செய்யப்பட்டது. ஆபரணத் தங்கம் கிராம் ரூ.8510-க்கும், சவரன் ரூ.68,080-க்கும் விற்பனையாகிறது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.1 உயர்ந்து ரூ.114-க்கு விற்பனை செய்யப்படுகிறது.

இதைத்தொடர்ந்து, நேற்று சென்னையில் ஆபரணத்தங்கத்தின் விலையில் மாற்றமின்றி ஒரு சவரன் ரூ.68,080க்கு விற்பனை செய்யப்படுகிறது. ஆபரணத்தங்கம் விலை மாற்றமின்றி ஒருகிராம் ரூ.8,510க்கு விற்பனை ஆகிறது. வெள்ளி விலையில் மாற்றமின்றி ஒருகிராம் ரூ.114க்கும், ஒருகிலோ ரூ.1,14,000க்கும் விற்பனை செய்யப்படுகிறது.

இந்நிலையில், இன்று சென்னையில் ஆபரணத் தங்கத்தின் விலை சவரனுக்கு ரூ.400 உயர்ந்து ரூ.68,480க்கு விற்பனை செய்யப்படுகிறது. சென்னையில் ஆபரணத் தங்கத்தின் விலை கிராமுக்கு ரூ.50 உயர்ந்து ரூ.8,560க்கு விற்பனையாகிறது. சென்னையில் வெள்ளியின் விலை கிலோவுக்கு ரூ.2,000 குறைந்து ரூ.1,12,000க்கு விற்கப்படுகிறது.

 

The post ஆபரண தங்கத்தின் விலை சவரனுக்கு ரூ.400 உயர்ந்து, சவரன் ரூ.68,480க்கு விற்பனை! appeared first on Dinakaran.