பேரூரில் ஓவிய கண்காட்சி

 

தொண்டாமுத்தூர்: கோவை சதாங்கா ஆர்ட் ஸ்டூடியோ சார்பில், மாணவர்கள் வரைந்த ஓவியங்கள் கண்காட்சி பேரூர் வேளாளர் மண்டபத்தில் நடந்தது. சதாங்கா ஆர்ட் ஸ்டூடியோ சார்பில், 10 மாணவர்கள் வரைந்த, பல்வேறு வகையான, 55 ஓவியங்கள் கண்காட்சியில் வைக்கப்பட்டது.

பேரூரில் உள்ள கல்யாண மண்டபத்தில் நடந்த கண்காட்சி துவக்க விழாவில், கல்லூரி பேராசிரியர் பிருந்தா குத்துவிளக்கு ஏற்றி துவக்கி வைத்தார். இதில், பேரூர் பேரூராட்சி தலைவர் அண்ணாதுரை, கவுன்சிலர் ராதா, ஓவிய ஆசிரியர்கள் சுபராகிணி, மதுரபாசினி ஆகியோர் கலந்து கொண்டனர். கண்காட்சியில், பொதுமக்கள் கலந்துகொண்டு ஓவியங்களை பார்த்து ரசித்தனர்.

The post பேரூரில் ஓவிய கண்காட்சி appeared first on Dinakaran.

Related Stories:

சூலூரில் கலைஞரின் வரும் முன் காப்போம் மருத்துவ முகாம் வால்பாறை, ஜூன் 23: கோடை சீசன் முடிந்தும் வால்பாறைக்கு சுற்றுலா பயணிகளின் வரத்து அதிகளவில் காணப்பட்டது. தேயிலை தோட்டங்களில் நின்று ஆர்வமுடன் போட்டோ எடுத்து மகிழ்ந்தனர். வால்பாறையில் நேற்று சுற்றுலா பயணிகள் வரத்து அதிகரித்து காணப்பட்டது. வால்பாறை பகுதியில் நிலவும் குளு குளு காலநிலை சுற்றுலா பயணிகளை மகிழ்ச்சி அடைய செய்துள்ளது. மேலும், மழை, வெயில், மூடு பனி என ஒவ்வொரு பகுதியிலும் விதவிதமான கால நிலை நிலவுவதால் சுற்றுலா பயணிகள் மகிழ்ச்சி அடைந்தனர். இந்நிலையில், வாட்டர் பால்ஸ் பகுதியில் சாரல் மழை மற்றும் வெயில் நீடிக்கிறது. கவர்கல் பகுதியில் மூடுபனி நிலவியது. வால்பாறை பகுதியில் லேசான சாரல் மழை மற்றும் மேக மூட்டம் நீடித்தது. 3 வகை கால நிலை ஒரு பகுதியில் நிலவுவதால் சுற்றுலா பயணிகள் குதூகலம் அடைந்தனர். மேலும், யானைகள், வரையாடுகள், காட்டு பன்றிகள், மான்கள் என சாலையோரம் வலம் வரும் வன விலங்குகள், புதிய நீர்வீழ்ச்சிகள் சுற்றுலா பயணிகளை உற்சாகப்படுத்தியது. வால்பாறை பூங்கா, படகு இல்லம், கூழாங்கல் ஆறு உள்ளிட்ட பகுதிகளில் சுற்றுலா பயணிகள் கூட்டம் அதிகளவில் காணப்பட்டது. வால்பாறையின் முக்கிய சுற்றுலா தலமான நல்லமுடி பூஞ்சோலை பகுதியில் குவிந்த சுற்றுலா பயணிகளால் அப்பகுதியில் போக்குவரத்து பாதிக்கப்பட்டது. இதனால், சாலையின் இருபக்கமும் வாகனங்கள் வரிசையாக நின்றது. காவல்துறை மற்றும் வனத்துறையினர் விரைந்து சென்று போக்குவரத்தை சரி செய்தனர். வால்பாறையில் சுற்றுலா பனிகள் கூட்டம் அதிகரித்துள்ளதால் வியாபாரிகள் மகிழ்ச்சி அடைந்தனர்.