மல்லசமுத்திரம், அக்.30: திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் மல்லசமுத்திரம் கிளையில், வாரந்தோறும் புதன்கிழமை பருத்தி ஏலம் நடக்கிறது. நேற்று நடந்த ஏலத்திற்கு மகுடஞ்சாவடி, கொங்கணாபுரம், ஆத்துமேடு, மதியம்பட்டி, பாலமேடு உள்ளிட்ட பல்வேறு பகுதிகளை சேர்ந்த விவசாயிகள் 60 கிலோ எடை கொண்ட 113 மூட்டை பருத்தியை விற்பனைக்காக கொண்டு வந்திருந்தனர். பல்வேறு பகுதிகளை சேர்ந்த வியாபாரிகள் ஏலத்தில் கலந்து கொண்டனர். விவசாயிகள் முன்னிலையில் அதிகாரிகள் ஏலத்தை நடத்தினர். இதில், பி.டி., ரகம் பருத்தி குவிண்டால் ரூ.6,369 முதல் ரூ.7,769 வரையிலும், கொட்டு ரகம் பருத்தி குவிண்டால் ரூ.4,219 முதல் ரூ.4,609 வரையிலுமாக மொத்தம் ரூ.2.23 லட்சத்திற்கு பருத்தி ஏலம் போனது. அடுத்த ஏலம் வருகிற 5ம்தேதி நடைபெறும் என கூட்டுறவு சங்க அதிகாரிகள் தெரிவித்தனர்.