ஜோலார்பேட்டை, நவ.14: ஓடும் ரயிலில் இருந்து இறங்க முயன்ற ராணுவ வீரர் தவறி விழுந்து பலியானார். கர்நாடகம் மாநிலம், பெல்காம் பகுதியை சேர்ந்தவர் வீரண்ணா(36). இவர் பஞ்சாப் மாநிலத்தில் ராணுவ வீரராக பணிபுரிந்து வந்தார். நேற்று முன்தினம் இரவு மீண்டும் பணிக்குச் செல்ல யஸ்வந்த்பூரிலிருந்து சென்னை செல்லும் ரயிலில் பயணம் செய்தார். ரயில் ஜோலார்பேட்டை ரயில் நிலையத்தில் நின்றபோது கடைக்கு சென்று மீண்டும் ரயில் ஏறுவதற்கு சென்றார். அப்போது, அவர் வந்த ரயிலில் ஏறுவதற்கு பதிலாக தவறுதலாக சென்னையிலிருந்து பெங்களூர் செல்லும் எக்ஸ்பிரஸ் ரயிலில் ஏறி பின்னர் பெங்களூர் செல்லும் ரயில் என்பதை அறிந்து ஓடும் ரயிலில் இருந்து கீழே இறங்க முயன்றார்.