மெல்போர்ன்: கிராண்ட்ஸ் லாம் தொடர்களில் ஒன்றான ஆஸ்திரேலிய ஓபன் டென்னிஸ் தொடர் மெல்போர்னில் நடந்து வருகிறது. இதில் இன்று காலை நடந்த மகளிர் ஒற்றையர் பிரிவு 4வது சுற்றில், 5ம் நிலை வீராங்கனையான பெலாரசின் 24 வயதான அரினா சபலென்கா, 12வது ரேங்க் வீராங்கனை சுவிட்சர்லாந்தின் 25 வயது பெலின்டா பென்சிக் மோதினர். விறுவிறுப்புடன் நடந்த போட்டியில் முதல் செட்டை 7-5 என சபலென்கா கைப்பற்றினார். 2வது செட்டிலும் முழுமையாக ஆதிக்கம் செலுத்திய அவர் 6-2 என தன்வசப்படுத்தினார். முடிவில் 7-5, 6-2 என வெற்றி பெற்ற சபலென்கா கால் இறுதிக்குள் நுழைந்தார்.