போர்ட் வொர்த்: டாப் 8 வீராங்கனைகள் பங்கேற்றுள்ள டபிள்யூடிஏ பைனல்ஸ் டென்னிஸ் தொடர், அமெரிக்காவின் டெக்சாஸ் மாகாணத்தில் போர்ட் வொர்த் நகரில் நடந்து வருகிறது. இதில் தலா 4 பேர் என இரு பிரிவுகளாக பிரிக்கப்பட்டு மோதினர்.
இதன் முடிவில், டிரேசி ஆண்டின் பிரிவில் 3 வெற்றிகளுடன் முதலிடம் பிடித்த போலந்தின் இகா ஸ்வியாடெக், 2வது இடம்பிடித்த பிரான்சின் கரோலின் கார்சியா, நான்சி ரிச்சி குரூப்பில் முதல் 2 இடம் பிடித்த கிரீஸ் நாட்டின் மரியா சக்கரி, பெலாரசின் அரினா சபலென்கா ஆகியோர் அரையிறுதிக்கு தகுதி பெற்றனர். இன்று அதிகாலை நடந்த முதல் அரையிறுதியில் 27 வயதான மரியா சக்கரி, 29 வயதான கரோலின் கார்சியா மோதினர். இதில் தொடக்கம் முதலே ஆதிக்கம் செலுத்திய கார்சியா 6-3, 6-2 என்ற செட் கணக்கில் வெற்றி பெற்று இறுதி போட்டிக்குள் நுழைந்தார்.