லின்ஸ்: ஆஸ்ட்ரியாவில் நடைபெறும் லின்ஸ் ஓபன் டென்னிஸ் தொடரின் மகளிர் ஒற்றையர் பிரிவு காலிறுதிக்கு முந்தைய சுற்றில், முதல் நிலை வீராங்கனை எம்மா ரடுகானு (இங்கிலாந்து) அதிர்ச்சி தோல்வியடைந்து ஏமாற்றத்துடன் வெளியேறினார். யுஎஸ் ஓபன் கிராண்ட் ஸ்லாம் தொடரில் சாம்பியன் பட்டம் வென்று சாதனை படைத்த டீனேஜ் வீராங்கனை ரடுகானு (18 வயது), அதன் பிறகு பங்கேற்ற தொடர்களில் ஆரம்ப கட்ட சுற்றிலேயே மண்ணைக் கவ்வி சொதப்பி வருகிறார். இந்த நிலையில், லின்ஸ் ஓபனில் முதல் நிலை வீராங்கனையாக பெரும் எதிர்பார்ப்புடன் களமிறங்கிய அவர், காலிறுதிக்கு முந்தைய சுற்றில் சீனாவின் ஜின்யு வாங்குடன் (20 வயது, 106வது ரேங்க்) மோதினார்.