புதுடெல்லி: வேளாண் சட்டங்களுக்கு எதிராக போராட்டம் நடத்தி வரும் விவசாயிகளுக்காக சிங்கு எல்லையில் இலவச வைபை ஹாட்ஸ்பாட்கள் அமைக்கப்படும் என்று ஆம் ஆத்மி கட்சித் தலைவர் ராகவ் சதா தெரிவித்தார். மத்திய அரசின் புதிய வேளாண் சட்டங்களுக்கு எதிராக விவசாயிகள் டெல்லி எல்லைகளில் போராடி வருகின்றனர். அவர்களுக்கு பல்வேறு அமைப்புகள், அரசியல் கட்சிகள் மற்றும் பொதுமக்களிடமிருந்து பல்வேறு உதவிகள் குவிந்து வருகிறது. இதன்தொடர்ச்சியாக, விவசாயிகளுக்காக சிங்கு எல்லையில் இலவச வைபை ஹாட்ஸ்பாட்கள் அமைக்கப்படும் என்று ஆம் ஆத்மி கட்சியின் முக்கிய தலைவரும், எம்எல்ஏவுமான ராகவ் சதா தெரிவித்துள்ளார்.