சிட்னி: ஆஸ்திரேலிய அணியுடன் நடக்க உள்ள டெஸ்ட் தொடரின் முதல் போட்டியோடு கோஹ்லி நாடு திரும்புவது இந்திய அணிக்கு பெரும் பின்னடைவை கொடுக்கும் என்று ஆஸி. முன்னாள் நட்சத்திரம் இயான் சேப்பல் கூறியுள்ளார்.
ஆஸ்திரேலியா சென்றுள்ள இந்திய அணி முதலில் தலா 3 போட்டிகள் கொண்ட ஒருநாள் மற்றும் டி20 தொடர்களில் விளையாடுகிறது. இதைத் தொடர்ந்து இரு அணிகளும் 4 போட்டிகள் கொண்ட டெஸ்ட் தொடரில் மோதுகின்றன. பிரசவத்தின்போது மனைவி அனுஷ்காவுடன் இருக்க முடிவு செய்துள்ள கேப்டன் கோஹ்லி, அடிலெய்டில் முதல் டெஸ்ட் முடிந்ததும் (டிச. 17-21) இந்தியா திரும்புகிறார்.