மியாமி: அமெரிக்க வீராங்கனை வீனஸ் வில்லியம்ஸ், எளிதான வெற்றியுடன் மியாமி ஓபன் டென்னிஸ் 4ம் சுற்றுக்கு முன்னேறியுள்ளார். நேற்று நடந்த 3வது சுற்றில் வீனஸ் வில்லியம்சை எதிர்த்து ரஷ்ய வீராங்கனை டேரியா கசட்கினா மோதினார். முதல் செட்டில் கசட்கினா சற்று தாக்குப்பிடித்தார். இருப்பினும் அவரது சர்வீஸ்களை அடுத்தடுத்து பிரேக் செய்த வீனஸ், முதல் செட்டை 6-3 என கைப்பற்றினார். 2வது செட்டில் கசட்கினா முழுவதுமாக சரணடைந்து விட்டார். அந்த செட்டில் அவரது ஒரு கேமை மட்டுமே எடுக்க முடிந்தது. மிகவும் எளிதாக அந்த செட்டை 6-1 என்ற கணக்கில் வீனஸ் கைப்பற்றி, நேர் செட்களில் இப்போட்டியில் வெற்றி பெற்று 4ம் சுற்றுக்கு முன்னேறினார்.