இந்தூர்: சாமி உருவ நெக்லஸ் அணிந்த விவகாரம் தொர்பாக நடிகை டாப்சி மீது மத்திய பிரதேச போலீசில் புகார் அளிக்கப்பட்டுள்ளது. பாலிவுட் நடிகை டாப்சி, கடந்த சில தினங்களுக்கு முன்பு ஆடை அலங்கார அணிவகுப்பு நிகழ்ச்சியொன்றில் கலந்து கொண்டார். அப்போது அவர் கவர்ச்சியாக அரைகுறை உடை உடுத்தி இருந்தார். அதோடு கழுத்தில் மகாலட்சுமி அம்மன் உருவத்துடன் கூடிய நெக்லஸ் அணிந்து இருந்தார். அவர் அணிந்திருந்த அரைகுறை ஆடையுடன் கடவுள் உருவம் பொறித்த நெக்லசை எப்படி அணியலாம் என்று வலைத்தளத்தில் அவருக்கு எதிர்ப்புகள் கிளம்பி உள்ளன. இந்து கடவுளை அவமதித்து விட்டதாகவும் சிலர் கண்டனம் தெரிவித்து வந்தனர்.