சென்னை: தென்னிந்திய படங்களுக்கு மட்டுமின்றி, இந்தி யில் உருவாகும் படத்துக்கும் இசை அமைத்து வருகிறார் அனிருத். இந்நிலையில், ‘கிஸ்’ என்ற படத்தில் இருந்து அவர் விலகி இருப்பதாக தகவல் வெளியாகி இருக்கிறது. அவருக்கு பதிலாக ஜென் மார்ட்டின் இசை அமைப்பாளராக ஒப்பந்தம் ஆகியுள்ளார்.

நடன இயக்குனர் சதீஷ் இயக்குனராக அறிமுகமாகும் இப்படத்தில் கவின் ஹீரோவாக நடிக்கிறார். காதலுக்கும் மற்றும் காமெடிக்கும் அதிக முக்கியத்துவம் கொடுத்து இப்படம் உருவாகிறது. கவின் நடித்த ‘ப்ளடி பெக்கர்’ என்ற படத்துக்கு இசை அமைத்தவர், ஜென் மார்ட்டின். எனவே, ‘கிஸ்’ படத்துக்கும் அவரையே கவின் சிபாரிசு செய்திருக்கிறாராம்.