அக்ரா: நைஜீரியாவின் முன்னாள் தேசிய குத்துச்சண்டை சாம்பியன் ஒலுவாஸெகுன், கானா நாட்டு வீரருடன் நடந்த குத்துச் சண்டை போட்டியின்போது மயங்கி விழுந்து பரிதாபமாக உயிரிழந்த சம்பவம் அதிர்ச்சி அலைகளை ஏற்படுத்தி உள்ளது. நைஜீரியாவை சேர்ந்த குத்துச் சண்டை வீரர் கேப்ரியல் ஒலுவாஸெகுன் ஒலன்ரெவாஜு (40). முன்னாள் தேசிய குத்துச் சண்டை சாம்பியனான இவர், 23 போட்டிகளில் மோதி, 13ல் வெற்றி பெற்றுள்ளார். 8ல் தோல்வியை சந்தித்துள்ளார்.

இந்நிலையில், கானா நாட்டின் அக்ரா நகரில் நடந்த குத்துச் சண்டை போட்டியில் கானா வீரர் ஜோன் எம்பநுகு உடன் ஒலுவாஸெகுன் மோதினார். போட்டி துவங்கி சிறிது நேரத்தில் திடீரென மயங்கி விழுந்த அவரை உடனடியாக மருத்துவமனைக்கு துாக்கிச் சென்றனர். அரை மணி நேர சிகிச்சைக்கு பின், அவர் இறந்து விட்டதாக மருத்துவர்கள் அறிவித்தனர். இந்த சம்பவம் குத்துச் சண்டை ரசிகர்கள் மத்தியில் பெரியளவில் அதிர்ச்சி அலைகளை ஏற்படுத்தி உள்ளது.

The post முன்னாள் குத்துச்சண்டை சாம்பியன் கானா வீரருடன் மோதிய நைஜீரியா வீரர் மரணம்: ரசிகர்களை உலுக்கிய துயர சம்பவம் appeared first on Dinakaran.