இந்நிலையில் நரசிங்கபுரம் நகர பாஜ மகளிரணி செயலாளராக இருந்த அனிதா உள்ளிட்ட சிலரை கட்சியில் இருந்து சண்முகநாதன் நீக்கினார். அதேநேரத்தில் அனிதா, ஆத்தூர் டவுன் போலீசில் புகார் மனு ஒன்றை கொடுத்தார். அதில், ‘கடந்த மாதம் தேர்தல் பணியில் ஈடுபட்டிருந்தபோது, பாமக அலுவலகத்தில் இருந்தேன். அப்போது பாஜ நகர தலைவர் சுதாகர், என்னை மிரட்டி தகாத முறையில் நடந்து கொண்டார். அதை நான் பெரிதுபடுத்தாமல் விட்டுவிட்டேன். ஆனால், மாவட்ட தலைவரின் மெத்தனபோக்காலும், அவருக்கு வலதுகரமாக இருப்பதாலும் சுதாகர், நரசிங்கபுரம் நகருக்குள் இருக்கும் ஒரு சில மகளிரிடம் தகாத முறையில் நடந்துகொள்வதுடன், அவர்களை அசிங்கமாக திட்டியும் வருகிறார். எனவே அவர் மீது நடவடிக்கை எடுக்க வேண்டும்’ எனக்கூறியுள்ளார்.
இதேபோல், சேலம் கிழக்கு மாவட்ட பாஜ கலை கலாச்சார பிரிவின் மாவட்ட செயலாளர் விஜயலட்சுமியிம், சுதாகர் மீது ஆத்தூர் நகர போலீசில் ஒரு புகார் கொடுத்துள்ளார். அதன்பேரில் போலீசார் விசாரணை நடத்தி வருகின்றனர். இந்நிலையில் பாலியல் புகார் தெரிவித்த விஜயலட்சுமி திடீரென மாயமாகி விட்டார். அவரது கணவர் மற்றும் குடும்பத்தினர் அவரை தேடி வருவதாக கூறப்படுகிறது. இதனிடையே விஜயலட்சுமி பரபரப்பு ஆடியோ ஒன்றை வெளியிட்டுள்ளார்.
அதில், ‘தன் மீதான புகாரால் மிகுந்த மனவேதனையில் இருக்கிறேன். எனது கணவர், குழந்தைகளை பார்த்துக்கொள்ளுங்கள். நான் தற்கொலை செய்து கொள்ள இருக்கிறேன்’ என தெரிவித்திருந்தார். இதையடுத்து விஜயலட்சுமியின் கணவர் சுரேஷ்மணி, ஆத்தூர் போலீசில் புகார் அளித்துள்ளார். அதில், தனது மனைவி ஆடியோ வெளியிட்ட நிலையில் திடீரென மாயமாகி இருக்கிறார். அவரை கண்டுபிடித்து தர வேண்டும் என தெரிவித்துள்ளார். அதன்பேரில் போலீசார் விசாரித்து வருகின்றனர். இச்சம்பவம் ஆத்தூர் பகுதியில் பரபரப்பை ஏற்படுத்தி உள்ளது.
The post சேலம் மாவட்ட பாஜ தலைவர் மீது பெண் நிர்வாகி பாலியல் புகார்: தற்கொலை செய்வதாக ஆடியோ வெளியிட்டு மாயமானதால் பரபரப்பு appeared first on Dinakaran.