ஷென்ஸென்: சீனா மாஸ்டர்ஸ் பேட்மின்டன் தொடரின் ஆண்கள் ஒற்றையர் பிரிவில், இந்திய நட்சத்திரங்கள் லக்‌ஷியா சென், கிடாம்பி ஸ்ரீகாந்த் அதிர்ச்சி தோல்வியை சந்தித்தனர். சீனாவின் ஷி யுகியுடன் மோதிய லக்‌ஷியா சென் 19-21, 18-21 என்ற நேர் செட்களில் போராடி தோற்றார். உலக சாம்பியன் குன்லாவுத் விதித்சர்னுடன் (தாய்லாந்து) மோதிய கிடாம்பி 15-21 என முதல் செட்டை இழந்த நிலையில், 2வது செட்டில் அதிரடியாக விளையாடி 21-14 என வென்று பதிலடி கொடுக்க சமநிலை ஏற்பட்டது. எனினும், 3வது மற்றும் கடைசி செட்டில் ஆதிக்கம் செலுத்திய குன்லாவுட் 21-13 என வென்று அடுத்த சுற்றுக்கு முன்னேறினார். நடப்பு சீசனில் கிடாம்பி தொடர்ந்து 3வது முறையாக முதல் சுற்றுடன் வெளியேறியுள்ளது குறிப்பிடத்தக்கது. நான்கு தொடரில் அவர் காலிறுதி வரை முன்னேறியிருந்தார்.

The post லக்‌ஷியா, கிடாம்பி அதிர்ச்சி தோல்வி appeared first on Dinakaran.