ஜெகதீசன் 35 ரன் (27 பந்து, 4 பவுண்டரி, 1 சிக்சர்) விளாசி ஹரிகரன் பந்துவீச்சில் கிளீன் போல்டானார். அடுத்து ரஞ்சன் பால் – அபராஜித் இணைந்து 2வது விக்கெட்டுக்கு 73 ரன் சேர்த்தனர். ரஞ்சன் பால் 30 பந்தில் அரை சதம் அடித்தார். சதம் அடிப்பார் என எதிர்பார்க்கப்பட்ட நிலையில், ரஞ்சன் 88 ரன் (55 பந்து, 12 பவுண்டரி, 1 சிக்சர்) விளாசி சன்னி சாந்து பந்துவீச்சில் ஆகாஷ் சும்ராவிடம் பிடிபட்டார்.
அபராஜித் 29 ரன்னில் (19 பந்து, 1 பவுண்டரி, 2 சிக்சர்) விக்கெட்டை பறிகொடுக்க, அடுத்து வந்த ஹரிஷ் குமார் 8 ரன் எடுத்து ரன் அவுட்டானார். ராஜகோபால் சதீஷ் டக் அவுட்டாகி பெவிலியன் திரும்பினார். கடைசி கட்டத்தில் சஞ்சய் யாதவ் பவுண்டரியும் சிக்சருமாகப் பறக்கவிட… சேப்பாக் சூப்பர் கில்லீஸ் 20 ஓவரில் 5 விக்கெட் இழப்புக்கு 217 ரன் குவித்தது (உதிரிகள்:22). சஞ்சய் 31 ரன் (12 பந்து, 2 பவுண்டரி, 3 சிக்சர்), சசிதேவ் 4 ரன்னுடன் ஆட்டமிழக்காமல் இருந்தனர். இதையடுத்து, 20 ஓவரில் 218 ரன் எடுத்தால் வெற்றி என்ற கடினமான இலக்குடன் சேலம் அணி களமிறங்கியது.
The post ரஞ்சன் பால் அதிரடி அரை சதம் சேப்பாக் ரன் குவிப்பு appeared first on Dinakaran.