கோவை, டிச. 25: கோவை சுங்கம் பைபாஸ் சிவராம் நகரில் டாஸ்மாக் பார் செயல்பட்டு வருகிறது. இங்கு நேற்று முன்தினம் மதுப்பிரியர்கள் மது அருந்தி கொண்டிருந்தனர். அப்போது வாலிபர் ஒருவரின் பிறந்தநாளை 5க்கும் மேற்பட்டவர்கள் பாரில் மது அருந்தி கொண்டாடினர். அவர்கள் ஸ்பிரே அடித்து ஆரவாரம் செய்தனர். இதில், ஸ்பிரே நுரை பக்கத்து டேபிளில் மது அருந்தி கொண்டிருந்தவர்கள் மீது பட்டது. இது தொடர்பாக, அவர்களுக்கு இடையே வாக்குவாதம் ஏற்பட்டு தகராறாக மாறியது. இருதரப்பில் ஒருவருக்கொருவர் பாட்டிலால் தாக்கி கொண்டனர். இந்த கோஷ்டி மோதலில் கோவை தெற்கு உக்கடம் புல்லுக்காடு ஹவுசிங் யூனிட்டை சேர்ந்த பிரகாஷ் (21) மற்றும் அவரது நண்பர் பிரபுவுக்கு தலையில் காயம் ஏற்பட்டது.