பல்லாவரம், மார்ச் 19: வெளிநாட்டில் இருந்து வருபவர்களை கண்காணிக்க, 5 பேர் கொண்ட துணை ஆட்சியர்கள் குழு அமைக்கப்பட்டுள்ளதாக கலெக்டர் ஜான் லூயிஸ் தெரிவித்தார்.தாம்பரம் வருவாய் கோட்டாட்சியர் அலுவலகத்தில் நேற்று செங்கல்பட்டு கலெக்டர் ஜான் லூயிஸ் தலைமையில் கொரோனா நோய் தடுப்பு குறித்த ஆலோசனை கூட்டம் நடந்தது. பின்னர், கலெக்டர் ஜான்லூயிஸ், செய்தியாளர்களிடம் கூறியதாவது.செங்கல்பட்டு மாவட்டத்தில் மட்டும் இதுவரை 67 பேர் அரசு மருத்துவமனையில் கொரோனா நோய் அறிகுறிகளுடன் பரிசோதிக்க பட்டுள்ளனர். அவர்கள், மருத்துவர்கள் ஆலோசனைபடி சிலர் கண்காணிப்பில் வைக்கப்பட்டுள்ளனர்.கொரோனா வைரஸ் தடுப்பு பணிகள் குறித்து மாவட்டம் முழுவதும் அனைத்து உள்ளாட்சி துறைகளுக்கும் கூட்டம் நடத்தபட்டு ஆலோசனைகள் வழங்கபட்டுள்ளது. நோய் தடுப்பு நடவடிக்கையாக பொதுமக்களுக்கு சுய சுகாதாரம் குறித்து எடுத்துரைத்து விழிப்புணர்வு ஏற்படுத்தியுள்ளது.