ஊட்டி: ஊட்டியில் சீசன் துவங்கியுள்ள நிலையில் வாகன நெரிசலை தவிர்க்கும் வகையில் ஊட்டி - குன்னூர் - மேட்டுப்பாளையம் சாலை 16-ம் தேதி முதல் ஒரு வழிபாதையாக மாற்றம் செய்து மாவட்ட ஆட்சியர் அம்ரித் அறிவித்துள்ளார். மேட்டுபாளையத்தில் இருந்து குன்னூர், ஊட்டிக்கு வரும் லாரி உள்ளிட்ட கனரக வாகனங்களுக்கு இரவு 10 மணி முதல் காலை 6 மணி வரை மட்டுமே அனுமதி. மேலும் மேட்டுப்பாளையத்தில் இருந்து ஊட்டி நோக்கி வரும்  இதர வாகனங்கள் குன்னூர் வழியாக அனுமதி. ஊட்டியில் இருந்து கோவை மற்றும் மேட்டுப்பாளையம் செல்லும் அனைத்து வாகனங்களும் கோத்தகிரி வழியாக மட்டுமே செல்ல அனுமதி  என கூறப்பட்டுள்ளது.