கிச்சன் டிப்ஸ்

நன்றி குங்குமம் தோழி

Advertising
Advertising

எண்ணெய் தங்காமல் இருக்க இஞ்சி, வாழை மட்டை!

துவையல் தேவைக்கு அதிகமாக இருந்தால் குறிப்பிட்ட அளவில் தோசை மாவை எடுத்து அதில் துவையலை கலக்கி தோசையாகச் சுட்டு  விடுங்கள். வித்தியாசமான ருசி தரும்.

- ஆர்.அஜிதா. கம்பம்.

சேனைக்கிழங்கை தோல் சீவி துண்டுகளாக்கி அத்துடன் சிறிது எலுமிச்சை பழச்சாறு சேர்த்து வேக வைத்து பாருங்கள். சீக்கிரமே  வெந்திடும்.

- தஞ்சை ஹேமலதா, வெண்டையம்பட்டி.

தோசை மிருதுவாக பூப்போல இருக்க தோசை மாவில் சிறிதளவு சாதம் வடித்த கஞ்சியை சேர்த்து தோசையை வார்த்தால் தோசை  பூப்போல இருக்கும்.

- கே.பிரபாவதி, மேலகிருஷ்ணன் புதூர்.

கொழுந்து வெற்றிலை, சுண்ணாம்பு சிறிது சேர்த்து அரைத்து நகச்சுற்று உள்ள இடத்தில் கட்டினால் விரைவில் குணம் தெரியும்.

- சண்முகத்தாய், சாத்தூர்.

சிறிது வாழை மட்டை, இஞ்சி இரண்டையும் தட்டி எண்ணெயில் போட்டு பொரித்து எடுத்த பின்பு, அந்த எண்ணெயில் பலகாரங்கள்  செய்தால் பலகாரங்களில் எண்ணெய் அதிகம் தங்காது.

- ஆர்.அம்மணி ரெங்கசாமி, தேனி.

இட்லி மாவில் தண்ணீர் அதிகமாகி விட்டால் ஜவ்வரிசியை தூள் செய்து உடன் சேர்க்கலாம். மாவு கெட்டியாவது மட்டுமில்லாமல்  இட்லியும் மிருதுவாக இருக்கும்.

- ஆர். ஜெயலட்சுமி, திருநெல்வேலி.

கேக் மிருதுவாகவும் சுவையாகவும் இருக்க  

*    மைதாவை சேர்த்த உடனேயே பேக் செய்துவிட வேண்டும் இல்லை என்றால் கடினமாகி விடும்.

*    கேக் ரெடியான உடனேயே அவனிலிருந்து எடுக்கக் கூடாது. சிறிது நேரம் அந்த சூட்டிலேயே வைக்க வேண்டும்.

*    கேக் ரெடியானவுடனே சூடாக கவிழ்க்கக் கூடாது. கேக் உடைந்துவிடும்.

*    கப் அளவுகளை கடைபிடிக்கும்போது அழுத்தியும், சலித்தும் அளக்கக் கூடாது.

*    எவ்வளவுக்கெவ்வளவு வெண்ணெய், சர்க்கரையை நுரைக்க அடிக்கிறோமோ அந்த அளவுக்கு கேக் சாஃப்டாக இருக்கும்.

*    ஐசிங் செய்யும்முன் கேக் மீது சர்க்கரை தண்ணீரைத் தடவி பின் ஐசிங் செய்யலாம்.

*    ப்ளம் கேக் செய்யும்போது பருப்புகளை மைதா தூவி கலக்க, அடியில் தங்காமல் எல்லா இடத்திலும் பரவி இருக்கும்.

- மகாலெட்சுமி சுப்ரமணியன், காரைக்கால்.

Related Stories: