30.4.2026 முதல் 6.5.2026 வரை
சாதகங்கள்: ராசிநாதன் சுக்கிரன் தன் வீட்டில் ஆட்சியாக இருக்கிறார். வீட்டில் செல்வம் வசதி குறைவு இருக்காது. செல்வாக்கு அதிகரிக்கும். கலைத்துறையில் இருப்பவர்களுக்கு, புதிய வாய்ப்புகள் கிடைக்கும். புதிய ஒப்பந்தங்கள் கையெழுத்தாகும். ஆடை ஆபரணச் சேர்க்கை ஏற்படும். சூரியன் 12ஆம் பாவத்தில் உச்சம் பெற்று புதன்கூட இருப்பதால், வெளிநாட்டு வேலை வாய்ப்பு அல்லது ஆராய்ச்சி சார்ந்த துறையில் முன்னேற்றம் ஏற்படும்.
கவனம் தேவை: சனியினுடைய பார்வை ராசிநாதன் மீது விழுவதால், எதிலும் தாமதம் ஏற்பட்டு மன அழுத்தத்தைத் தரும். அதிகப்படியான செலவுகள் வரலாம் சனி – செவ்வாய் சேர்க்கை இருப்பதை கவனத்தில் கொள்ளுங்கள். உடல் சோர்வு அதிகரிக்கும். பணத்தையும் பொருளையும் பத்திரமாகப் பார்த்துக் கொள்ள வேண்டும். சனி செவ்வாய் 5ம் ஸ்தானத்தைப் பார்ப்பதால், பூர்வீகத்தில் சில பிரச்னைகள் ஏற்படலாம்.
சந்திராஷ்டமம்: 5.5.2026 இரவு 12.55 முதல் 8.5.2026 அதிகாலை 1.26 வரை சந்திராஷ்டமம் உண்டு. பேச்சில் கவனமாக இருக்கவும். வாதப்பிரதிவாதங்களில் ஈடுபடவேண்டாம்.
பரிகாரம்: வெள்ளை ஆடை தானம், லட்சுமி பூஜை நன்மை தரும்.
