2.5.2024 முதல் 8.5.2024 வரை
சாதகங்கள்: ராசிக்கு 12ல் சஞ்சரித்த குரு ராசியில் மாறுவதால் சில இடர்பாடுகள் இருக்கத்தான் செய்யும். ஆனாலும் அவருடைய பார்வை உங்களுடைய களத்திர ஸ்தானத்தில் பதிவதால் குடும்பத்தின் சிறந்த ஆறுதல் உங்களுக்குக் கிடைக்கும். அதன் மூலமாக உற்சாகம் அடைவீர்கள். ராசிக்கு 11ல் ராகு அமர்ந்து இருப்பதால் உங்களுடைய எண்ணங்கள் விசாலமாக இருக்கும். அதற்கு தகுந்த நல் வாய்ப்புகளும் கிடைக்கும். தொழில் ஸ்தானத்தில் ஆட்சி பெற்ற சனி, உங்கள் வேலை, வருமானம், தொழில்கள், வியாபாரம் முதலியவற்றில் சீரான முன்னேற்றத்தைத் தரும். சுபச் செலவுகள் ஏற்படும். புதிய ஒப்பந்தங்கள் கிடைக்கும்.
கவனம் தேவை: சனி ராசிக்கு 12-ஆம் இடத்தைப் பார்வையிடுவதால் வேலைக்காரர்கள் மூலம் சில இடர்ப்பாடுகளும் சிறு நட்டங்களும் ஏற்படும். ஐந்தில் கேது இருப்பதால் பிள்ளைகள் குறித்த கவலைகள் இருக்கும். அதே சமயம் ஆன்மிகச் சிந்தனை அதிகரித்து கோயில் குளங்களுக்குச் செல்லும் ஆசை ஏற்படும். விரய சூரியனால் ஆரோக்கியத்தில் சில தொந்தரவுகள் ஏற்படலாம்.
பரிகாரம்: மகாலட்சுமியை வழிபட மகத்தான நம்பிக்கை பிறக்கும். நல்வாழ்வு கிடைக்கும். செவ்வாய் தோறும் துர்க்கையை வழிபடுங்கள். வாழ்க்கை வளமாகும்.
