19.2.2026 முதல் 25.2.2026 வரை
சாதகங்கள்: வார ஆரம்பத்தில் ராசிநாதன் செவ்வாய் மூன்றாம் இடத்தில் வலுவாக இருக்கின்றார். உங்களுக்கு மிகப்பெரிய வெற்றியை தருவதற்கு அவர் தயாராக இருக்கிறார். அவர் நான்காம் இடத்துக்கு மாறும்பொழுது, முன் போல அவரால் மிகப்பெரிய வெற்றியைத் தர முடியாது. பெரிய உதவிகளும் கிடைக்காது. காரணம் கிரக யுத்தத்தில் அவர் இருப்பார். சுக்கிரன் நான்கில் இருப்பதால், பண வரவு உண்டு. சிலருக்குப் பதவி உயர்வும் உண்டு. புதிய பொறுப்புக்கள் வந்து சேரும். ஆன்மிகத்தில் நாட்டம் ஏற்படும். எட்டில் குரு இருந்தாலும், உங்கள் தனஸ்தானத்தைப் பார்வையிடுவதால், பண விஷயங்களில் பிரச்னை இருக்காது. விழிப்புடன் இருந்தால், கடன் வாங்காது சமாளித்துக் கொள்ளலாம்.
கவனம் தேவை: சூரியன் அர்த்தாஷ்டமத்தில் இருக்கின்றார். உடல் அசௌகரியம் இருந்து கொண்டே இருக்கும். சிறுசிறு பிரச்னைகள், குறிப்பாக வயிறு போன்ற பிரச்னைகள் ஏற்பட்டு, அலை கழிக்கலாம். சுகஸ்தானம் பாதிக்கப்பட்டு இருப்பதால், ஏதோ ஒரு கவலை மாற்றி மாற்றி வந்து கொண்டே இருக்கும். வண்டி வாகனங்களில் செல்லும் பொழுது கவனம் தேவை. போதாக்குறைக்கு அஷ்டமகுரு என்பதால், அதிக கவனத்தோடு செயல்படுங்கள். அலைச்சல்கள் அதிகரிக்கும். பத்திரப்பதிவுகளில் கவனம் தேவை.
பரிகாரம்: இஷ்ட தெய்வத்தைக் கெட்டியாகப் பிடித்துக் கொள்ளுங்கள்.
