21.5.2026 முதல் 27.5.2026 வரை
சாதகங்கள்:வார மத்தியில் மிகப்பெரிய மாற்றம் ஏற்படும். விருச்சிக ராசிக்காரர்களுக்கு, 2, 5 க்குரிய குரு இதுவரை அஷ்டமத்தில் இருந்தார். அவர் கடக ராசியில் உச்சம் பெறுகிறார். ராசியையும் உங்கள் பஞ்சம ஸ்தானத்தையும் பார்ப்பதால், எத்தகைய பிரச்னைகளையும் எதிர்கொள்ளும் ஆற்றல் அதிகரிக்கும். உடல் ஆரோக்கியப் பிரச்னைகள் கொஞ்சம் கொஞ்சமாக சீராகும். மருத்துவம் வேலை செய்ய ஆரம்பிக்கும். குரு தனகாரகன் என்பதால் பணப் புழக்கம் அதிகரிக்கும். குடும்பத்தில் உள்ள சிக்கல்கள் படிப்படியாகத் தீரும். பதவி உயர்வு கிடைக்கும். அரசாங்க ஆதரவு உண்டு. அரசியலில் உள்ளவர்களுக்கு பதவிகள் தேடி வரும்.
உறவுகளில் ஏற்பட்ட சங்கடம் விலகும்.
கவனம் தேவை: ராகு நான்காம் இடத்தில் இருப்பதையும், சனி ஐந்தாம் இடத்தில் இருப்பதையும் கவனத்தில் கொள்ள வேண்டும். தற்சமயம் ராசிநாதன் செவ்வாய், ராசிக்கு ஆறில் இருப்பதால், யாரிடமும் வீண் வம்பை விலை கொடுத்து வாங்க வேண்டாம். பேச்சில் கவனம் தேவை. பிள்ளைகளால் சில சங்கடங்கள் உண்டு.
பரிகாரம்: நவகிரக சந்நதிக்குச் சென்று குருவுக்கு விளக்கேற்றி வணங்குங்கள்.அல்லது தட்சிணாமூர்த்தியை வணங்குங்கள்.
