9.4.2026 முதல் 15.4.2026 வரை
சாதகங்கள்: ஆறாம் இடத்தில் சூரியன் இருப்பது போட்டி மனப் பான்மையை அளிக்கிறது. அரசாங்க காரியங்கள் அனுகூலமாகும். எதிர்பார்த்த ஒப்பந்தங்கள் கிடைக்கும். போட்டித் தேர்வுகளில் வெற்றி கிடைக்கும். வேலைவாய்ப்பு உண்டு. இழந்த வேலையைத் திரும்பபெற வாய்ப்புண்டு. ஐந்தாம் இடத்தில் சனி, புதன் இருப்பதால், கல்வியில் ஆழ்ந்த சிந்தனை இருந்தாலும் தாமதம் ஏற்படலாம். நான்காம் இடத்தில் ராகு இருப்பது வீடு, மன அமைதி போன்றவற்றில் மாற்றங்களை உருவாக்கும். செவ்வாய் ஐந்தாம் இடத்திற்கு வந்து லாபஸ்தானத்தைப் பார்ப்பது சிறப்பு. பிள்ளைகளால் பெருமை உண்டு அவர்களது எதிர்காலத்தை நினைத்து செய்த முயற்சிகள் பலன் அளிக்கும். ஆடை ஆபரணச் சேர்க்கை உண்டு.
கவனம் தேவை: பத்தாம் இடத்தில் கேது இருப்பதால் தொழிலில் திருப்தியின்மை இருக்கலாம். எட்டாம் இடத்தில் குரு இருப்பது பிள்ளைகள் மற்றும் நிதி விஷயத்தில் சிக்கலை உருவாக்கும். கணவன் மனைவி உறவுகளில் கருத்து வேற்றுமை வரலாம் பணப்பற்றாக்குறை சில நேரத்தில் வரலாம். வருமானம் அதிகரிக்கும் என்றாலும்கூட செலவும் அதிகரிக்கும் என்பதை கிரகநிலைகள் சுட்டிக் காட்டுவதால் செலவுகளின் கவனம் தேவை.
பரிகாரம்: லட்சுமி நரசிம்மரை வணங்குங்கள்.
