9.4.2026 முதல் 15.4.2026 வரை
சாதகங்கள்: ஒன்பதாம் இடத்தில் சனி மற்றும் புதன் இருப்பது ஒழுக்கம், கல்வி மற்றும் தர்ம சிந்தனையை வளர்க்கும். ஆன்மிக உணர்வு அதிகரிக்கும். தெய்வதரிசனம் பெரியோர் ஆசி கிடைக்கும். சேமிப்பில் கவனம் தேவை. புதன் மீனத்தில் நீசம் பெறுகின்றார். விரயாதிபதி நீசம் பெறுவது நல்லதுதான். பாக்யாதிபதி குரு வக்ர நிவர்த்தி பெற்று, ஆறாம் இடத்தையும் எட்டாம் இடத்தையும் பார்த்ததால் கஷ்டங்கள் குறையும். நஷ்டங்கள் மட்டுப்படும். லாபாதிபதி சுக்கிரன் தொழில் ஸ்தானத்தில் வரும் நேரம் சிலருக்கு வெளிநாட்டு நிறுவனங்களில் இருந்து அழைப்புகள் வரும் செவ்வாய் பிரச்னைகளை எதிர்கொள்ளும் ஆற்றலைத் தரும். வீடுமனை வாங்குவதில் உள்ள சிக்கல்கள் தீரும்.
கவனம் தேவை: பன்னிரண்டாம் இடத்தில் குரு இருப்பதால் சேமிப்பு குறையும். இரண்டாம் இடத்தில் கேது இருப்பதால் குடும்ப உறவுகளில் இடைவெளி ஏற்படும். எட்டாம் இடத்தில் ராகு இருப்பது திடீர் சிக்கல்கள் மற்றும் மனஅழுத்தத்தைத் தரக்கூடும். அஷ்டம ஸ்தானத்தில் ராகு இருப்பதால் அதிக அலைச்சலும் பிரயாணங்களும் இருக்கும். சோர்வு ஏற்படும் திட்டமிட்ட காரியங்களைச் செய்ய முடியாது. மருத்துவச் செலவுகள் அதிகரிக்கும். கணவன் அல்லது மனைவி ஆரோக்கியத்தில் கவனமாக இருக்க வேண்டும்.
சந்திராஷ்டமம்: 13.4.2026 காலை 3.44 முதல் 15.4.2026 காலை 9.37 வரை சந்திராஷ்டமம் உண்டு. பேச்சில் கவனமாக இருக்கவும். வாதப் பிரதிவாதங்களில் ஈடுபடவேண்டாம்.
பரிகாரம்: அஷ்டமி திதியில் பைரவரை வணங்குங்கள்.
