துலாம்

(4.7.2026 முதல் 10.7.2026 வரை)

சாதகங்கள்: ராசிநாதன் சுக்கிரன் லாப ஸ்தானத்தில் அமர்வது சிறப்பு. அதோடு பாக்கியஸ்தானத்தில் சூரியனும் புதனும் இணைந்திருக்கிறார்கள். ஆறில் அமர்ந்த சனி உங்களுக்கு மிகச் சாதகமான பலன்களைச் செய்வார். தொழிலில் புதிய திருப்பங்கள் ஏற்பட்டு லாபம் அதிகரிக்கும். சக ஊழியர்கள் உதவிகரமாக இருப்பார்கள். கலைத்துறையினருக்கு புதிய வாய்ப்புகள் சாதகமாக இருக்கும். சிலர் வெளிநாடுகளுக்குச் செல்லும் வாய்ப்பும் உண்டு. குடும்பத்தில் மகிழ்ச்சியும் நிம்மதியும் உண்டு. பூர்வீகச் சொத்து பிரச்னைகள் எளிதாகத் தீரும்.

கவனம் தேவை: ஏழுக்குரிய செவ்வாய் அஷ்டமத்தில் இருப்பதால் குடும்ப உறவுகளில் வாக்குவாதங்கள் நிகழ்ந்து அமைதியைக் கெடுக்கும் வாய்ப்பு உண்டு. சுப காரியங்களில் சிற்சிலத் தடங்கல்களும் ஏற்படக்கூடும் சிலர் தற்காலிகமாக குடும்பத்தை விட்டு வெளியூர் செல்ல நேரும். வீடு மாற்றம் உத்தியோக மாற்றம் ஏற்படுவதற்கும் வாய்ப்பு உள்ளது. வேலையில் பணிச்சுமை அதிகரிக்கும். குழந்தைகள் விஷயத்தில் கவனம் தேவை.

பரிகாரம்: அஷ்டம ராசியில் செவ்வாய் இருப்பதால் முருகனையும் துர்க்கையையும் வழிபடுங்கள்.